Hadith 3711

5؎ قولہ: لعن رسول الله صلى الله عليه واله وسلم الراشي والمرتشي (رسول اللہ صلی اللہ علیہ والہ وسلم نے رشوت دینے والے اور رشوت لینے والے پر لعنت فرمائی ہے) فتاویٰ عالمگیریہ میں ہے کہ ہدیہ وہ شئی ہے جو کسی کو دے دی جاتی ہے اور اس کے ساتھ کوئی شرط نہیں ہوتی۔ اور رشوت وہ شئی ہے جو کسی کو دے دی جاتی ہے اس شرط پر کہ وہ اس کی مدد کرے گا۔ (خزانۃ المفتین میں ایسا ہی ہے) اور اس میں یہ بھی ہے کہ: تم جان لو! رشوت کے کئی اقسام ہیں۔ ان میں سے 1۔ کوئی آدمی کسی آدمی کو کچھ مال دے تاکہ محبت اور دوستی پیدا ہو۔ اور یہ قسم ہدیہ دینے والے اور ہدیہ لینے والے (دونوں کے لئے) حلال ہے۔ 2۔ ایک دوسری قسم یہ ہے کہ کوئی شخص اس کو خوفزدہ کیا ہے تو یہ اپنے سے اس کے خوف کو دور کرنے کے لئے اس کو کچھ مال پیش کرتا ہے یا اپنی جان و مال سے ظلم کو دفع کرنے کے لئے کسی صاحب اقتدار کو کچھ مال پیش کرتا ہے تو اس قسم کا مال لینا کسی کے لئے بھی جائز نہیں ہے۔ اور اگر لے گا تو اس باب میں مذکورہ وعید میں آ جائے گا۔ لیکن اس طرح دینا، دینے والے کے لئے جائز ہے؟ علماء کرام کے پاس یہ جائز ہے کیونکہ وہ اس مال سے اپنی جان کو بچا رہا ہے اور مال کا کچھ حصہ دے کر باقی مال کی حفاظت کر رہا ہے۔ 3۔ اس کی ایک اور قسم ہے کہ کوئی آدمی کسی دوسرے کو کچھ مال اس غرض سے دیتا ہے کہ وہ اس کے اور صاحب اقتدار کے درمیان معاملہ ٹھیک کروائے اور اس کی مدد کرے۔ اس کی دو صورتیں ہیں۔ (الف) اس کی یہ ضرورت ناجائز اور حرام ہو۔ ایسی صورت میں دینے والے کا دینا اور لینے والے کا لینا دونوں ناجائز ہیں۔ (ب) اس کی دوسری صورت یہ ہے کہ اس کی یہ ضرورت مباح اور جائز ہو تو پھر اس کی 2 صورتیں ہیں: 1۔ اس کی ایک صورت یہ ہے کہ وہ کسی آدمی کو اس مباح حاجت میں اس شرط پر مال دیتا ہے کہ وہ صاحب اقتدار کے پاس اس کی مدد کرے تو ایسی صورت میں کسی کے لئے لینا جائز نہیں ہے۔ اور اب رہا کیا ایسی صورت میں دینے والے کا دینا جائز ہے تو اس کے متعلق علماء نے گفتگو کی ہے۔ بعض علماء نے اس کو ناجائز قرار دیا ہے اور بعض نے اس کو جائز قرار دیا ہے۔ اور لینے اور دینے کے جائز ہونے کے لئے تمام علماء کرام کے پاس حیلہ یہ ہے کہ صاحب الہدایہ ایک دن رات تک اس کو اپنا اجیر بنائے تاکہ اس کے علم کی قیمت اس مال سے ادا کرے جس کو وہ اسے دینا چاہتا ہے تو یہ اجارہ درست ہو جائے گا اور اجیر بھی اجرت کا مستحق قرار دیا جائے گا۔ پھر مستاجر (ٹھیکیدار) کو اختیار ہے کہ اس سے وہ یہ کام لے یا اس کو کسی دوسرے کام میں لگائے۔ علماء نے کہا...... ...... ہے کہ یہ حیلہ اس وقت درست ہے جب کہ ⟦?⟧ کسی ایسے کام پر اس کو اجرت پر لے جس میں اجرت پر لینا درست ہے (محیط میں اسی طرح ہے) مثلاً پیغام کا پہنچانا وغیرہ اور اگر مدت کو بیان نہ کرے تو یہ جائز نہیں ہے۔ (خلاصہ میں اسی طرح ہے) اب رہا یہ کہ اس حیلے کے بغیر بھی دینا جائز ہے یا نہیں؟ اس میں علماء نے گفتگو کی ہے۔ چنانچہ بعض کے قول میں ناجائز ہے اور بعض کے قول میں جائز ہے اور یہی بات زیادہ درست ہے۔ یہ گفتگو اس وقت ہے جب کہ وہ اپنے معاملہ کی یکسوئی سے پہلے مال دے۔ اب رہا کہ وہ اس کو اپنے معاملہ کی یکسوئی کرنے اور اس کو صاحب اقتدار کے ظلم سے نجات دلانے کے بعد دے تو اس کا دینا اور اس کا لینا دونوں جائز ہیں۔ اور یہی صحیح ترین قول ہے۔ ’’محیط سرخسی‘‘ میں ایسا ہی ہے۔ فتاویٰ قاضی خان میں بھی اس کی تائید موجود ہے۔ اس کی دوسری صورت یہ ہے کہ وہ ایسی کوئی شرط وضاحت کے ساتھ تو نہ لگائے لیکن اس کے پاس یہ تحفہ پیش ہی اس لئے کرے کہ وہ صاحب اقتدار کے پاس (معاملہ میں) اس کی مدد کرے۔ اور اس صورت میں علماء کرام رحمہم اللہ کا اختلاف ہے اور اکثر علماء کے پاس یہ مکروہ نہیں ہے کہ کراہت اور عدم کراہت کا یہ اختلاف اس وقت ہے جب کہ اس سے پہلے کسی بھی وجہ سے دونوں کے درمیان تحفے دینے کا کوئی عمل نہیں تھا۔ اور اگر اس سے پہلے سے دوستی یا رشتہ داری کی بناء پر ہدیہ دینے کا عمل تھا اور سابق کی طرح یہ اس کو ہدیہ دیا ہے پھر جس کو ہدیہ دیا گیا وہ اس کے معاملہ کو ٹھیک کرتا ہے تو یہ امر مستحسن ہے کیونکہ احسان کا بدلہ احسان اور کرم ہے۔ ایک اور قسم یہ ہے کہ صاحب اقتدار کو ہدیہ پیش کرنے والا اس غرض سے دیتا ہے کہ وہ اس کو منصب قضاء پر یا کسی بھی دوسرے کام پر مقرر کر دے ایسی صورت میں لینے والے کو لینا اور دینے والے کے لئے دینا دونوں ناجائز ہیں۔ (محیط) 1قولہ: وَاسْتَشْهِدُوا شَهِيدَيْنِ مِنْ رِجَالِكُمْ ......الخ (اور تم اپنے میں سے دو مردوں کو گواہ کر لیا کرو) خلاصہ یہ ہے کہ زنا میں بالاتفاق چار مردوں کی گواہی ضروری ہے۔ اللہ تعالیٰ کے اس ارشاد کی بناء پر ’’فَاسْتَشْهِدُوا عَلَيْهِنَّ أَرْبَعَةً مِنْكُمْ‘‘ (سورۃ النساء، آیت نمبر:15) پس تم ان (عورتوں) پر تم میں سے چار گواہ بنالو۔ اور نیز ارشاد ہے: ’’ثُمَّ لَمْ يَأْتُوا بِأَرْبَعَةِ شُهَدَاءَ‘‘ (سورہ نور، آیت نمبر:4) (پھر وہ چار گواہ نہ لائیں)۔ اور زنا کے سوا حدود اور قصاص میں بالاتفاق دو مردوں کی گواہی کافی ہے کیونکہ امام زہریؒ کا قول ہے کہ رسول اکرم صلی اللہ علیہ وسلم سے اور آپ کے بعد دونوں خلیفہ سے یہی سنت چلی ہے کہ حدود اور قصاص میں عورتوں کو شہادت کا کوئی حق نہیں ہے۔ پس اصل کا اعتبار کیا جائے گا اور وہ صرف دو مردوں کی گواہی ہے۔ اور حدود و قصاص کے سوا جن معاملات پر مرد آدمی مطلع ہوا کرتا ہے ان میں دو مردوں یا ایک مرد اور دو عورتوں کی گواہی ہمارے (حنفیہ) کے پاس مقبول ہے، خواہ وہ معاملہ مالی میں ہو کہ غیر مالی۔ اور امام شافعی رحمہ اللہ علیہ کے پاس دو مردوں یا ایک مرد اور دو عورتوں کی گواہی اس وقت مقبول ہوگی جب کہ وہ معاملہ مالی ہو یا متعلقات مال سے ہو۔ مثلاً خرید و فروخت، شرط خیار، ادھار معاملہ، اجارہ اور اعارۃ وغیرہ اور اس جیسی چیزیں۔ اور اگر وہ معاملہ مالی نہ ہو تو صرف دو مردوں کی گواہی مقبول ہوگی۔ جیسے نکاح اور اس جیسے امور اور اگر وہ معاملہ ایسا ہو کہ جس کی مرد آدمی کو خبر نہیں ہوا کرتی ہے جیسے ولادت وغیرہ تو ہمارے پاس (حنفیہ) اس میں صرف ایک عورت کی گواہی بھی مقبول ہوگی۔ اور امام شافعی علیہ الرحمہ کے پاس چار عورتوں کی۔ اور اس کے دلائل بڑی کتابوں میں مذکور ہیں۔ پھر گواہی کے چند شرائط ہیں: 1- اسلام اور 2- عدالت جو کہ یہ آیت شریفہ میں مذکور ہیں۔ اب رہی پہلی شرط تو وہ اللہ تعالیٰ کے ارشاد ’’مِنْ رِجَالِكُمْ‘‘ (تمہارے مردوں میں سے) کی بناء پر ہے۔ کیونکہ اس کے معنی ہیں ’’تمہاری ملت والوں میں سے‘‘ اور وہ......