Chapter on Sneezing and Yawning

1 قولہ: كان حقا على كل مسلم الخ (ہر اس مسلمان حق ہے) اس میں اس بات سے باخبر کرنا ہے کہ چھینک کا جواب دینا فرض عین ہے۔ اور یہ بعض اہل ظاہر کا مذہب ہے۔ ابن قیم نے ”السنن“ کے حواشی میں اس کو قوی قرار دیا ہے اور ابن دقیق العید رحمۃ اللہ علیہ نے کہا: بظاہر امر وجوب کے لئے ہے، اور مالکیہ میں سے ابن مزین نے اس کے ظاہر کو اختیار کیا ہے اور جمہور اہل ظاہر کا بھی یہی قول ہے، مالکیہ کی ایک جماعت نے اس کو اختیار کیا ہے کہ چھینک کا جواب دینا مستحب ہے اور کسی ایک شخص کا جواب دینا جماعت کی طرف سے کافی ہو جائے گا یہ شافعیہ کا قول ہے اور انہوں نے حدیث کو آداب پر محمول کیا ہے اکثر (فقہاء) اس کے فرض کفایہ ہونے کی طرف گئے ہیں اور جب کوئی ایک چھینک کا جواب دیدے تو وہ سب کی طرف سے ساقط ہو جائے گا۔ ابن رشد اور ابن عربی نے اس کو ترجیح دی ہے حنفیہ اور جمہور حنابلہ کا بھی یہی قول ہے اور از روئے دلیل فرض کفایہ کا قول راجح ہے اور جو صحیح احادیث شریفہ وجوب پر دلالت کر رہی ہیں وہ فرض کفایہ ہونے کے منافی نہیں ہیں کیونکہ امر اگرچہ عام مکلفین کے بارے میں وارد ہوا اور فرض کفایہ ہے تو اس میں خطاب تمام لوگوں سے ہی کیا جاتا ہے راجح قول کے مطابق تمام لوگوں سے ہی خطاب کیا جاتا ہے لیکن یہاں مراد یہ ہے کہ چھینک کا جواب تو ہر ایک پر واجب ہے لیکن وجوب کی دوسری دلیل کی بناء پر یا سلام کے جواب دینے پر قیاس کرتے ہوئے بعض کے عمل پیرا ہونے سے ہر ایک سے ساقط ہو جاتا ہے (ماخوذ از مرقات، وقول حافظ فی الباری) 2 قولہ: سمع (جو اس کو سنا ہو) یہ لفظ مسلم کی صفت ہے جس سے غرض اس کے نہ سننے کی حالت سے احتراز کرنا ہے کیونکہ ایسے وقت اس کی طرف امر متوجہ نہیں ہوتا اسی طرح سلام اور دیگر فرض کفایہ جیسے مریض کی عیادت، میت کی تجہیز و تکفین، نماز جنازہ وغیرہ کا وہی حکم ہے۔ اور شرح السنہ میں ہے اس میں اس بات کی دلیل ہے کہ اس کو الحمدللہ کہتے میں اپنی آواز کو بلند کرنا چاہئے یہاں تک کہ جو اس کے قریب ہے اس کو سن لے اور اس کے لئے چھینک کا جواب دینا ضروری ہو جائے یہ بات صاحب مرقات نے کہی۔ اور صاحب رد مختار نے کہا سلام اور چھینک کا جواب دینے کے لئے اس کو سننا شرط ہے۔ 3 قولہ: فليرده ما استطاع (پس اس کو جس قدر ہو سکے روکے) صاحب رد مختار نے کہا: جمائی کے وقت اپنے منہ کو بند کرنا آداب میں سے ہے اگرچہ کہ اپنے ہونٹوں کو دانت سے دبا کر ہو، اگر اس سے نہ ہو سکے تو اپنے بائیں ہاتھ کی پشت سے اس کو ڈھانک لے اور کہا گیا کہ اگر وہ کھڑا ہوا ہو تو سیدھے ہاتھ سے ورنہ بائیں ہاتھ سے یا اپنی آستین سے، اس کے بغیر کسی ضرورت کے ڈھانکنا مکروہ ہے۔ صاحب رد المحتار نے کہا: میں نے ⟦?⟧ الصعلکی شرح تحفۃ الملوک میں دیکھا ہے جس کی عبارت یہ ہے۔ امام زاہدی نے کہا: جمائی کو دفع کرنے کا طریقہ یہ ہے کہ اپنے دل میں یہ خیال کرے کہ انبیاء کرام کو کبھی جمائی نہیں آئی۔ امام قدوری نے کہا: ہم نے اس کا بار بار تجربہ کیا تو اس کو ایسا ہی پایا، میں کہتا ہوں میں نے بھی اس کو آزمایا ہے اور ایسا ہی پایا ہے۔ 1قولہ: یہ چون ان یقول لہم یرحمکم اللہ الخ (یہ امید رکھتے ہوئے کہ آپ ان کے لئے یرحمکم اللہ فرمائیں گے) بعض اہل فضل علماء نے کہا: کیا ان میں سے کسی چھینکنے والے کا جواب دیا جائے گا؟ میں کہتا ہوں قول راجح یہ ہے کہ جواب نہیں دیا جائے گا کیونکہ اس میں ان کا اکرام اور تعظیم ہے جب کہ تم کو ان کی اہانت کا حکم دیا گیا ہے، جامع صغیر کی شرح میں حضرت عمر رضی اللہ تعالیٰ عنہ سے ذمی کو سلام کرنے کی ممانعت مروی ہے کیوں کہ اس میں اس کی تعظیم ہے۔ یہی بات موسیٰ قشی نے شرح الاشباہ والنظائر میں فرمائی ہے اور اس کے حاشیہ میں ہے کہ اس میں ایک بحث ہے اور زیادہ بہتر یہ ہے کہ اس کی یہ علت بیان کی جائے کہ اس میں رحمت کی دعا کرنا اور مغفرت طلب کرنا ہے جب کہ ذمی ان دونوں کا اہل نہیں ہے۔ اور سنن کی حدیث میں وارد ہے کہ یہود نبی اکرم صلی اللہ علیہ وسلم کی مجلس میں بتکلف چھینکا کرتے اس امید پر کہ آپ ﷺ ان کے لئے مغفرت طلب کریں اور یرحمکم اللہ کہیں آپ ﷺ ان کے لئے طلب ہدایت کے سوا کچھ ارشاد نہ فرماتے حدیث کی روشنی میں جو ہم نے بیان کی ہے اب تم غور کرو۔ 1 قوله: فليقل الحمدلله (تو چاہئے کہ وہ الحمدللہ کہے) یعنی بطور استحباب ہے (مرقات)۔ اور فتاوی عالمگیری میں ہے جب آدمی بیرون نماز چھینکے تو اس کو اللہ تعالیٰ کی تعریف کرنا چاہئے اس طرح کہ الحمدلله رب العالمين یا الحمدلله على كل حال کہے اور اس کے سوانے کے اس کے پاس موجود شخص کو چاہئے کہ وہ يرحمك الله کہے اور چھینکنے والا اس کو يغفر الله لنا ولكم کہے یا يهديكم الله ويصلح بالكم کہے اور اس کے سوانے کہے (محیط)۔ 2 قوله: وليقل هو يهديكم الله، الخ (اور وہ يهديكم الله کہے) یعنی بطور استحباب ہے۔ (مرقات)۔ 1 قولہ: فقال الرجل مزکوم (تو آپ ﷺ نے فرمایا: آدمی کو زکام ہے) حدیث شریف کا حاصل یہ ہے کہ چھینک کا جواب دینا واجب یا سنت مؤکدہ ہے اور تین مرتبہ کے بارے میں اختلاف ہے اور تین سے زیادہ ہو جائے تو اس کو اختیار ہے چاہے خاموش رہے اور یہ بطور رخصت ہے اور چاہے تو جواب دے اور یہ مستحب ہے یعنی تین مرتبہ کے بعد جواب دینا واجب نہیں ہے، اور اس کا مطلب یہ نہیں کہ دینا ناجائز ہے۔ (ماخوذ از مرقات)۔ اور فتاوی عالمگیری میں ہے اگر چھینکنے والا الحمد للہ کہے تو یہ اس کا تین مرتبہ تک جواب دے اس کے بعد اس کو اختیار ہے (سراجیہ) اور چھینکنے والے کے پاس موجود شخص کو چھینکنے والے کا جواب دینا چاہئے جب اس کی چھینک ایک مجلس میں تین مرتبہ تک مکرر ہو اگر وہ تین سے زائد مرتبہ چھینکے تو چھینکنے والا ہر مرتبہ الحمد للہ کہے اور اس کے پاس موجود شخص اگر ہر مرتبہ جواب دے تو اچھا ہے اور اگر وہ تین مرتبہ کے بعد جواب نہ دے تب بھی ٹھیک ہے۔ (فتاوی قاضی خان)۔ امام محمد رحمة اللہ علیہ سے روایت ہے جو بار بار چھینکے تو اس کا ہر مرتبہ جواب دے اور اگر اخیر کا جواب دیا تو یہ ایک مرتبہ اس کے لئے کافی ہے۔ اہ (تاتارخانیہ)۔ امام طحطاوی نے شرح المراقی میں ملا علی قاری کی شرح موطا کے حوالے سے یہ ذکر کیا ہے کہ چھینکنے والے کا ایک مرتبہ جواب دینا واجب ہے اور اس سے زائد ہو تو مستحب ہے، اگر وہ پہلے جواب نہ دے تو اس کے لئے سجدہ تلاوت کی طرح ایک مرتبہ ہی کافی ہو جائے گا۔ 1 قولہ: انما كان يتبسم (آپ تو صرف مسکراتے تھے) یعنی اکثر اوقات آپ تبسم فرماتے تھے اور کبھی ہنستے بھی تھے لیکن آپ کی ہنسی مذکورہ حد تک نہیں پہنچتی تھی (مرقات)۔ فتاویٰ عالمگیریہ میں ہے: فقیہ رحمہ اللہ تعالیٰ نے فرمایا: آدمی کے لئے مستحب ہے کہ لوگوں کی خاطر داری کرے اور یہ کہ بغیر کسی مداہنت کے نیک، بد، سنی اور بدعتی سب کے ساتھ آدمی کی گفتگو نرم ہو اور کشادہ رو رہے اور ایسی گفتگو بھی نہ ہو جس سے یہ گمان ہو کہ وہ اس کے مذہب سے راضی ہے۔ (مراحیہ)۔ 2 قولہ: لا يقوم من مصلاه الخ (اپنے مصلے سے نہیں اٹھتے تھے) امام نووی فرماتے ہیں: اس حدیث میں نماز فجر کے بعد ذکر کرنے اور جب تک عذر نہ ہو نمازی جگہ بیٹھے رہنے کے استحباب کا ثبوت ہے۔ قاضی عیاض فرماتے ہیں کہ سلف صالحین اس سنت پر کاربند تھے اور وہ اس سلسلہ میں سورج طلوع ہونے تک صرف ذکر اور دعاء میں مشغول رہتے تھے (مرقات)۔ 3 قولہ: فاذا طلعت الشمس قام (جب سورج نکل آتا تو اٹھتے) یعنی نماز اشراق کے لئے قیام فرماتے اور یہ صلوۃ ضحیٰ کا ابتدائی وقت ہے۔ (مرقات)۔ 1 قوله: يتناشدون الشعر (وہ اشعار پڑھتے) صاحب مرقات نے کہا یہ تو سب جانتے ہیں کہ آپ کی مجلس شریف میں توحید اور ترغیب و ترہیب پر ہی مشتمل بلند پایہ اشعار پڑھے جاتے تھے۔ 2 قوله: قال نعم والإيمان فى قلوبهم اعظم من الجبل (فرمایا: ہاں! جب کہ ایمان ان کے دلوں میں پہاڑ سے بڑھ کر عظیم تھا) پس وہ حضرات انتہائی باوقار اور آداب شریعت کے اصول پر نہایت ثابت قدم اور پسندیدہ مکارم اخلاق کا حد درجہ پاس و لحاظ رکھنے والے تھے اس طور پر کہ ہنسی وغیرہ کی حالت میں احکام شرعیہ کے دائرے سے کبھی تجاوز نہیں کئے۔ طیبی نے کہا: یہ رجوع اور قول بالموجب کے قبیل سے ہے یعنی ہاں وہ ہنستے تو تھے لیکن وہ اس حد تک تجاوز نہیں کرتے تھے جو ان کے دلوں کو مردہ کر دے اور زیادہ ہنسی کی وجہ سے ان کا ایمان متزلزل ہوجائے جیسا کہ روایات میں ہے کہ زیادہ ہنسی دلوں کو مردہ کردیتی ہے (مرقات)۔ 3 قوله: فاذا كان الليل كانوا رهبانا (جب رات آجاتی تو وہ اللہ کے حضور یکسو ہوجاتے تھے) حاصل کلام یہ ہے کہ ان حضرات کی یہ حالت دن میں اور اپنے نیک ساتھیوں کی مجالس میں ہوا کرتی جب رات ہوجاتی تو وہ اللہ کی طرف یکسو ہوجاتے یعنی بظاہر وہ ہنسی کی حالت میں ہوتے اور باطن ان کی چشم رو رہی ہوتی کیونکہ وہ اپنے جسموں کے ساتھ فرش زمین پر اور اپنی ارواح قدسیہ کے ساتھ عرش بریں پر ہوتے اپنے بدن سے مخلوق کے ہمراہ اور اپنے قلب و باطن سے حق کی معیت میں ہو کر ان سے جدا رہتے اپنوں اور بیگانوں کے ساتھ بظاہر قربت رکھتے ہیں اور ارباب باطن علائق سے پاک اور وحدت و فنائیت کی منزل پر فائز ہو کر مخلوق سے بیگانہ رہتے ہیں یہ بوسیدہ چادروں میں ملبوس بادشاہ ہوتے ہیں اور اس دنیا میں اپنے کمال فقر کے باوجود غنی رہتے ہیں۔ اللہ تعالیٰ ان سے راضی ہو اور ہم کو ان سے ظاہر ہونے والے احوال کی برکت سے نفع پہنچائے (مرقات)۔ 1 قولہ: قال نعم (آپﷺ نے فرمایا: ہاں) یہ بھی حضورﷺ کے زمانہ تک کے لئے محدود ہے۔ آپﷺ کے بعد ان دونوں کو جمع کرنا جائز ہے کیونکہ اب التباس ختم ہوگیا۔ (مرقات)۔ 2 قولہ: قولہ من کان اسمہ ۔ (جس کا نام محمد ہو) یہ ہمارے پاس ہے اور امام مالک رحمہ اللہ تعالیٰ اور اکثر سلف اور فقہاء زمانہ نے بھی یہی فرمایا ہے کہ اب ہر ایک کے لئے ابوالقاسم کنیت رکھنا جائز ہے خواہ اس کا نام محمد ہو یا نہ ہو۔ اس ممانعت کی علت یہی تھی کہ اس میں حضور ﷺ اور آپ کو پکارنے کے وقت کسی دوسرے سے بھی خطاب کا التباس تھا۔ اور حضرت انس رضی اللہ عنہ کی حدیث میں جو اس کی ممانعت آئی ہے، اس میں اس علت پر دلالت ہے۔ جب ایک شخص کو رسول اللہﷺ نے یا ابا القاسم کہتے ہوئے سنا تو آپﷺ اس کی طرف متوجہ ہوئے تو اس شخص نے کہا: میں صرف اس آدمی کو بلایا تھا۔ اس کی مناسبت توجہ یہ ہے کہ علت کے ختم ہونے سے حکم ختم ہوجاتا ہے۔ اور اشتباہ اس کی علت ہے اور یہ اشتباہ صرف حیات طیبہ میں ہی ہے۔ اور حضرت امام شافعی رحمہ اللہ نے فرمایا کہ ابوالقاسم کی کنیت مطلقاً ناجائز ہے خواہ اس شخص کا نام محمد ہو یا احمد ہو یا آپ کے ناموں میں سے کوئی نام ہی نہ ہو (ماخوذ از مرقات)۔ 3 قولہ: فقال ما الذی احل اسمی وحرم کنیتی ۔ (کیا چیز ہے جس نے میرے نام کو حلال کیا اور کنیت کو حرام کیا) جواب کا خلاصہ یہ ہے کہ میرا نام اور میری کنیت رکھنا حرام نہیں ہے اور یہ واقعہ اگر ثابت ہے تو یہ آپﷺ کی کنیت رکھنے یا کنیت اور نام دونوں کو جمع کرنے کی ممانعت کے بعد کا ہے اور آپﷺ کے نام اور کنیت کے جواز اور اس کی ممانعت کی احادیث کے درمیان جمع کرنے کا ظاہر طریقہ یہ ہے کہ دونوں کو جمع کرنے کی ممانعت تحریمی نہیں تھی بلکہ وہ صرف التباس کی بنا پر مکروہ تھی۔ اور یہ بھی ممکن ہے کہ یہ قصہ حضورﷺ کے آخر زمانہ کا ہو اور آپﷺ نے اسی اجازت دے دی ہو کیونکہ ظاہراً ہونے تک حضورﷺ کا وصال ہو جائے گا اور التباس باقی نہیں رہے گا (بذل المجہود)۔ 1 قولہ: واحب الاسماء الى الله عبدالله عبدالرحمن (اور اللہ تعالیٰ کے پاس سب سے زیادہ پسندیدہ نام عبداللہ اور عبدالرحمن ہیں) یعنی انبیاء علیہم السلام کے ناموں کے بعد چنانچہ یہ اس بات کی دلیل ہے کہ یہ دونوں نام اسم محمد سے زیادہ پسندیدہ نہیں اسلئے کہ یا تو وہ دونوں نام اسکے ساتھ برابری کے درجہ میں ہیں یا اسم محمد مطلقاً یا ایک اعتبار سے دونوں سے زیادہ پسندیدہ ہے (مرقات) اور صاحب ودمختار نے کہا: اللہ تعالیٰ کے پاس سب سے زیادہ پسندیدہ نام عبداللہ اور عبدالرحمن ہیں۔ علی اور رشید وغیرہ جیسے مشترک نام رکھنا جائز ہے، اور ان ناموں سے اللہ کے حق میں معنی مراد لئے جاتے ہیں ہمارے حق میں اس کے سوا معنی مراد لئے جائیں گے لیکن ہمارے زمانے میں اسکے علاوہ نام رکھنا زیادہ درست و اولیٰ ہے اس لئے کہ عوام پکارتے وقت ان ناموں کی تصغیر کردیتے ہیں۔ اھ۔ (مراقیہ) اور صاحب ردالمحتار نے کہا کہ فقیہ ابواللیث نے کہا ہے کہ میں عجمیوں کیلئے پسند نہیں کرتا کہ عبدالرحمن اور عبدالرحیم نام رکھیں اس لئے کہ وہ اس کی تفصیل نہیں جانتے اور اسکو تصغیر کے ساتھ ذکر کرتے ہیں (تاتارخانیہ) اور یہ ہمارے زمانہ میں مشہور ہے اس طرح کہ وہ اس شخص کو پکارتے ہیں جسکا نام مثلاً عبدالرحیم، عبدالکریم یا عبدالعزیز ہو تو وہ کہتے ہیں: رحم، کریم، عزیز بغیر یاء تو تشدید کے ساتھ اور جسکا نام عبدالقادر ہو اسکو قویدر پکارتے ہیں اور یہ قصداً کہا جائے تو کفر ہے جیسا کہ خانیہ میں ہے جو شخص عبدالعزیز یا ان جیسے اسمائے حسنیٰ میں سے جس کسی کی طرف بھی عبد کی اضافت کی گئی ہو اسکے آخر میں حرف تصغیر لگا دے۔ اگر یہ عمداً کہتا ہے تو کفر ہے اور اگر نہ جان کے وہ کیا کہہ رہا ہے اور اسکا یہ ارادہ نہ ہو تو اسکے کفر کا حکم نہیں لگایا جائے گا۔ اور جو شخص اس سے ایسا سنے اس پر واجب ہے کہ اسکو بتائے۔ اھ۔ اور بعض لوگ جسکا نام عبدالرحمن ہے اسکو رحمون کہتے ہیں اور بعض جیسے ترکمان ہیں وہ جسکا نام محمد اور حسن ہے انکو حمو اور حسو کہتے ہیں۔ تم غور کرو کہ کیا اس وجہ سے ان لوگوں کا محمد اور حسن نام رکھنا چھوڑ دینا بہتر ہے۔ 2 قولہ: احب اسماءكم الى الله عبدالله وعبدالرحمن (اللہ تعالیٰ کے پاس تمہارے ناموں میں سب سے زیادہ پسندیدہ نام عبداللہ اور عبدالرحمن ہیں) اسی طرح جس نام میں اللہ تعالیٰ کی عبودیت ہو پسندیدہ ہے جیسے عبدالرحیم، عبدالکریم اور اس جیسے نام (ماخوذ از مرقات، بذل المجہود)