اردو
Urdu OCR, pending reviewNoor 1166
فضل بن عباس رضی اللہ عنہما سے روایت ہے، انہوں نے کہا کہ ہم (عرب کے
دستور کے مطابق تفریح کی غرض سے) اپنے جنگل میں ٹھیرے ہوئے تھے کہ ہمارے پاس رسول اللہ
صلی اللہ علیہ وسلم تشریف فرما ہوئے اور حضور صلی اللہ علیہ وسلم کے ہمراہ عباس رضی اللہ عنہ بھی
تھے، حضور صلی اللہ علیہ وسلم نے جنگل میں ایسی حالت میں نماز ادا فرمائی کہ آپ کے سامنے سترہ نہ تھا
اور ہمارے کتے اور گدھے آپ کے سامنے کودتے پھر رہے تھے حضور صلی اللہ علیہ وسلم نے اس کا کچھ
خیال نہ فرمایا۔ (اس کی روایت ابوداؤد نے کی ہے اور نسائی نے بھی اسی طرح کی روایت کی ہے۔)
Possible references (unverified, pending editorial review)
- Candidate: Sunan Abi Dawud 718 (unverified) 95% confidence
Confidence and text similarity are not editorial verification.
Commentary and footnotes (1)
Note 1
ف: یہ حدیث اس بات پر دلیل ہے کہ نمازی کے لئے بوقت نماز سترہ قائم کرنا واجب نہیں ہے اگر عوام کی گزرگاہ ہو تو سترہ کا قائم کرنا مستحب ہے اور عوام کی گزرگاہ نہ ہونے کی صورت میں بھی سترہ کا قائم کرنا اولیٰ ہے۔ (عمدۃ الرعایۃ، اشعۃ اللمعات۔)