اردو
Urdu OCR, pending reviewNoor 1211
عاصم بن کلیب الجرمی رضی اللہ عنہ اپنے والد سے جو حضرت علی رضی اللہ عنہ کے
تلامذہ سے ہیں، روایت کرتے ہیں کہ حضرت علی ابن ابی طالب کرم اللہ وجہہ صرف پہلی تکبیر میں
جس سے نماز شروع کی جاتی ہے اپنے دونوں ہاتھوں کو اٹھاتے تھے پھر اس کے بعد باقی نماز کے کسی
حصہ میں رفع یدین نہیں کرتے تھے۔
(اس کی روایت امام محمد اور طحاوی اور ابن ابی شیبہ نے کی ہے اور علامہ عینی رحمۃ اللہ علیہ نے کہا
ہے کہ اس حدیث کی سند صحیح ہے اور مسلم کی شرط کے موافق ہے)۔
Commentary and footnotes (1)
Note 1
اور علامہ عینی نے یہ بھی کہا ہے کہ تکبیر تحریمہ کے سوا باقی پوری نماز میں رفع یدین کا منسوخ ہونا حضرت علی رضی اللہ عنہ کے پاس ثابت ہو چکا تھا جب ہی تو آپ نے رسول اللہ صلی اللہ علیہ وسلم کو رفع یدین کرتے ہوئے دیکھنے کے باوجود پھر بھی تکبیر تحریمہ کے سوا باقی پوری نماز میں رفع یدین ترک فرمایا اگر رفع یدین کا منسوخ ہونا حضرت علی رضی اللہ عنہ کے پاس ثابت نہ ہوتا تو آپ خود اپنی طرف سے رفع یدین ہرگز ترک نہ کرتے۔