اردو
Urdu OCR, pending reviewNoor 1240
ابوہریرہ رضی اللہ عنہ سے روایت ہے، انہوں نے کہا کہ نبی صلی اللہ علیہ وسلم نماز
میں (دوسرے سجدے کے بعد جب دوسری یا چوتھی رکعت کے لئے اٹھتے تو زمین پر یا گھٹنوں (جیسا
کہ شرح سفر السعادہ میں مذکور ہے 12) پر ہاتھ ٹیکے بغیر اور جلسہ استراحت کئے بغیر) اپنے پیر کے
پنجوں کے بل اٹھتے تھے۔ (اس کی روایت ترمذی نے کی ہے اور کہا ہے کہ اسی پر اہل علم کا عمل ہے۔)
Possible references (unverified, pending editorial review)
- Candidate: Jami al-Tirmidhi 288 (unverified) 90% confidence
Confidence and text similarity are not editorial verification.
Commentary and footnotes (1)
Note 1
(جلسہ استراحت یہ ہے کہ پہلی رکعت کے دوسرے سجدے یا تیسری رکعت کے دوسرے سجدے سے فارغ ہونے کے بعد جب قیام کے لئے اٹھیں تو کچھ دیر بیٹھ کر اٹھیں اور یہ جلسہ استراحت حنفی مذہب میں ثابت نہیں ہے۔ (عمدۃ الرعایۃ۔) ف: اس حدیث میں پیر کے پنجوں کے بل اٹھنے کا جو ذکر ہے وہ دوسرے سجدے کے بعد دوسری یا چوتھی رکعت کے قیام کے لئے اٹھنے سے متعلق ہے اور اس میں اٹھتے وقت ہاتھوں کو زمین یا زانو پر ٹیکنے کی اور جلسہ استراحت کرنے کی ممانعت ہے اور یہی مذہب حنفی ہے۔ لیکن ضعیف العمری یا کسی اور عذر کی وجہ ہاتھوں کو زمین یا زانو پر ٹیکنے کے بغیر اٹھنا ممکن نہ ہو تو جلسہ استراحت کرکے بغیر ہاتھوں کو زمین یا زانو پر ٹیک کر اٹھ سکتے ہیں۔ (ردالمحتار، شرح سفر السعادت، عینی، فتح القدیر۔)