Hadith 1106

قاسم بن مخیمرۃ رضی اللہ عنہ سے روایت ہے، انہوں نے کہا کہ علقمہ رضی اللہ عنہ نے میرا ہاتھ پکڑ کر مجھ سے یہ حدیث بیان کی کہ عبداللہ بن مسعود رضی اللہ عنہ ان کا (یعنی علقمہ رضی اللہ عنہ کا) ہاتھ پکڑ کر وہ التحیات سکھائی جو نماز میں پڑھی جاتی ہے (راوی نے کہا کہ) ابن مسعود رضی اللہ عنہ نے اعمش کی روایت کی ہوئی حدیث میں جو التحیات ہے اس کو بیان کیا اور کہا کہ رسول اللہ صلی اللہ علیہ وسلم کا ارشاد ہے کہ جب تم یہ التحیات پڑھ چکو یا (راوی کو شک ہے) یہ فرمایا کہ یہ التحیات ختم کر چکو تو تم نے اپنی نماز پوری کر لی اس لئے کہ (فرائض اور واجبات) سب ادا ہو چکے ہیں، اب تمہیں اختیار ہے چاہو تو اٹھ جاؤ (کیوں کہ درود و سلام جو باقی رہ گئے وہ سنت ہیں) اور چاہو تو بیٹھے رہو (اور درود پڑھنے کے بعد سلام کہہ کر نماز ختم کر لو)۔ (اس کی روایت ابوداؤد اور طحاوی نے کی ہے اور امام احمد اور دارقطنی نے بھی اسی طرح روایت کی ہے۔)