Hadith 1297

ابوہریرہ رضی اللہ تعالیٰ عنہ سے روایت ہے، آپ فرماتے ہیں کہ رسول اللہ صلی اللہ علیہ وسلم نے ارشاد فرمایا کہ بہت بدنصیب ہے وہ شخص کہ جس کے سامنے میرا نام لیا جائے اور وہ مجھ پر درود نہ بھیجے (اس سے معلوم ہوا کہ جب حضور انور صلی اللہ علیہ وسلم کا نام مبارک لیا جائے تو سننے والے کو چاہئے کہ درود پڑھا کرے، اور وہ بھی بدنصیب ہے کہ جس کی زندگی میں رمضان المبارک آئیں اور (اس نے اس ماہ مبارک میں عبادت و خیر و خیرات اور شب بیداری کر کے) اپنی مغفرت نہ کروا لی کہ اتنے میں رمضان ختم ہو گئے، اور وہ بھی بدنصیب ہے کہ جس کے سامنے اس کے والدین یا ان میں سے کسی ایک پر بڑھاپا آیا اور (ان کی خدمت کر کے اور ان کو راضی رکھ کر) جنت کا مستحق نہ ہوا۔ (اس کی روایت ترمذی نے کی ہے۔)