Hadith 1448

ام المؤمنین عائشہ رضی اللہ عنہا سے روایت ہے آپ فرماتی ہیں کہ اگر رسول اللہ صلی اللہ علیہ وآلہ وسلم ملاحظہ فرماتے کہ آپ کے بعد عورتوں نے جو نئی نئی باتیں پیدا کر لی ہیں (مثلاً زیب و زینت کا لباس پہن کر اور خوشبو لگا کر باہر نکلنا شروع کر دیا ہے) تو آپ ان کو مسجد میں آنے سے ضرور روک دیتے، جس طرح کہ بنی اسرائیل کی عورتیں (مسجدوں میں آنے سے) روک دی گئی تھیں (کیوں کہ اس طرح عورتوں اور مردوں کی ایک مکان میں پانچ وقت کی یکجائی بہت خطرناک ہوتی ہے اور اس سے نہ کھڑے ہونے والے فتنے کھڑے ہو جاتے ہیں اس لئے رسول اللہ صلی اللہ علیہ وآلہ وسلم خاص طور پر مسجد کی حضوری سے عورتوں کو منع فرما دیتے)۔ (اس کی روایت مسلم نے کی ہے۔)