Hadith 1459

انس رضی اللہ عنہ سے روایت ہے کہ رسول اللہ صلی اللہ علیہ وآلہ وسلم (جب جماعت کھڑی ہوتی تو تکبیر تحریمہ سے پہلے) اپنی دائیں طرف متوجہ ہوکر ارشاد فرمایا کرتے تھے ”اِعْتَدِلُوْا“ صف میں امام کے دونوں جانب برابر برابر کھڑے رہو، یعنی ایک طرف زیادہ اور دوسری طرف کم نہ رہو ”سَوُّوا صُفُوْفَكُمْ“ اپنی صفیں سیدھی کرلو، باہم مل کر ایک دوسرے سے نزدیک کھڑے رہو، ایسا ہی بائیں جانب متوجہ ہوکر ارشاد فرمایا کرتے تھے ”اِعْتَدِلُوْا“ صف میں امام کے دونوں جانب برابر برابر کھڑے رہو، یعنی ایک طرف زیادہ اور دوسری طرف کم نہ رہو ”سَوُّوا صُفُوْفَكُمْ“ اپنی صفیں سیدھی کرلو، باہم مل کر ایک دوسرے سے نزدیک کھڑے رہو۔ (اس کی روایت ابوداؤد نے کی ہے۔)