Hadith 163

عبداللہ بن عمرو رضی اللہ تعالیٰ عنہما سے روایت ہے انہوں نے کہا کہ رسول اللہ صلی اللہ علیہ وسلم نے فرمایا: ضرور میری امت میں وہ تمام باتیں اس طرح پوری پوری ہوں گی جو بنی اسرائیل میں ہوئی ہیں حتیٰ کہ اگر ان میں کا کوئی شخص علانیہ اپنی ماں سے زنا کا ارتکاب کیا ہوگا تو میری امت میں بھی ایسا شخص ہوگا جو ایسا ہی کرے گا، اور بنی اسرائیل (72) فرقوں میں بٹ گئے اور میری امت (73) تہتر فرقوں میں بٹ جائے گی اور سوائے ایک فرقہ کے سب کے سب دوزخ میں جائیں گے، صحابہ رضی اللہ عنہم نے عرض کیا کہ یا رسول اللہ وہ ایک نجات پانے والا فرقہ کونسا فرقہ ہوگا؟ فرمایا: وہی فرقہ نجات پانے والا ہوگا جس پر میں اور میرے اصحاب ہیں۔ (اس کی روایت ترمذی نے کی ہے)۔ اور امام احمد اور ابوداؤد نے معاویہ رضی اللہ تعالیٰ عنہ سے روایت کی ہے کہ (72) بہتر فرقے تو آگ میں اور ایک فرقہ جنت میں ہوگا، اور وہ ایسی جماعت (یعنی سوادِ اعظم) ہوگا جو کتاب و سنت پر قائم رہے گا اور عنقریب میری امت میں چند ایسے لوگ پیدا ہوں گے جن میں آہواء (یعنی نفسانی خواہشات) اس طرح سرایت کر جائیں گے جس طرح کہ کسی مریض میں مرض کلب (کتے کاٹنے کی بیماری) سرایت کر جاتی ہے کہ کوئی رگ اور جوڑ ایسا نہیں ہوتا جس میں یہ بیماری سرایت نہ کی ہو۔