Hadith 183

ابن مسعود رضی اللہ تعالیٰ عنہ سے روایت ہے، انہوں نے فرمایا: جو شخص کسی طریقہ پر چلنا چاہتا ہے تو اس کو چاہئے کہ ان لوگوں کے طریقہ پر چلے جو اس دنیا سے گزر گئے ہیں کیوں کہ زندہ شخص کا فتنہ سے بچنا دشوار ہے، اور یہ لوگ محمد صلی اللہ علیہ وسلم کے صحابہ (رضی اللہ عنہم) ہیں جو اس امت میں افضل تھے، جن کے دل نہایت نیک اور جن کا علم بہت وسیع تھا اور جو تکلف سے دور تھے، ان کو اللہ تعالیٰ نے اپنے نبی صلی اللہ علیہ وسلم کی صحبت و رفاقت اور دین کے قیام کے لئے منتخب فرمایا تھا، ان کی فضیلت کو سمجھو، ان کے نقش قدم پر چلو اور جس قدر ہوسکے ان کے اخلاق و سیرت کو اختیار کرو کہ وہ حضرات راہ راست اور ہدایت مستقیم پر تھے۔ (اس کی روایت رزین نے کی ہے)۔