Hadith 1949

انس رضی اللہ عنہ سے روایت ہے وہ فرماتے ہیں کہ (یوں تو حضرت رسول اللہ صلی اللہ علیہ وآلہ وسلم کی عادت مبارک یہ تھی کہ دعاء کے وقت سینے کے مقابل اپنے دونوں ہاتھوں کو رکھتے تھے کبھی یہ نہیں دیکھا گیا کہ رسول اللہ صلی اللہ علیہ وآلہ وسلم دونوں ہاتھوں کو اپنے چہرے کے سینے سے اوپر اور چہرے کے سامنے اس طرح اٹھائے ہوں کہ جس سے بغلوں کی سفیدی نظر آئے مگر، استسقاء کی دعاء کے وقت (نہایت الحاح و زاری کرتے ہوئے) ہاتھوں کو سینوں سے اونچا کر کے چہرہ کے مقابل ایسا پھیلائے تھے کہ مبارک بغلوں کی سفیدی نظر آتی تھی) (اور اس وقت چادر مبارک کاندھوں سے ہٹی ہوئی تھی اسی واسطے حضرت عمیر رضی اللہ عنہ اپنی حدیث میں بیان کرتے ہیں کہ حضور کے ہاتھوں کو کسی دعاء کے وقت سر سے اونچا کرتے ہوئے نہیں دیکھا گیا، صدر کی یہ حدیث جو حضرت انس سے مروی ہے اس میں بھی یہی بتلایا گیا ہے کہ ہاتھ دعاء کے وقت سر سے اونچے نہیں ہوتے تھے بلکہ ہاتھوں کو دراز کر کے چہرے کے مقابل لا کر پھیلا لیتے تھے جس سے بغلوں کی سفیدی نظر آتی تھی۔) اس حدیث کی روایت بخاری اور مسلم نے متفقہ طور پر کی ہے۔