Hadith 1972

ابو موسیٰ اشعری رضی اللہ عنہ سے روایت ہے، وہ فرماتے ہیں کہ رسول اللہ صلی اللہ علیہ وآلہ وسلم ارشاد فرمائے ہیں کہ بھوکے کو کھانا کھلاؤ (یوں تو بھوکے کو کھانا کھلانا سنت ہے اور اس میں بڑا اجر وثواب ہے مگر جو شخص ایسا بھوکا ہو کہ بھوک سے اس کی حالت تباہ ہو رہی ہو تو اس کو کھانا کھلانا فرض ہے) اور بیمار کی بیمار پرسی کیا کرو (اس سے بیمار کو تسلی ہوتی ہے) اور اگر کوئی شخص (روپیہ نہ ہونے کی وجہ سے قید ہو گیا ہو تو) تم روپیہ ادا کر کے اس کو قید سے چھڑاؤ (مثلاً قرض کی ادائی نہ ہونے کی وجہ سے قید کر دیا گیا ہو تو تم اس کے قرض کی رقم ادا کر کے اس کو قید سے چھڑاؤ یا مثلاً غلام باندی ہے کہ مالک نے ان پر کچھ رقم معین کر دی ہے کہ تم رقم لا دو تو تم کو غلامی سے رہا کر دیا جائے گا تو تم وہ رقم دے کر اس کو آزاد کرا دو۔) اس کی روایت بخاری نے کی ہے۔