Hadith 1997

ابن عباس رضی اللہ عنہما سے روایت ہے، وہ فرماتے ہیں کہ رسول اللہ صلی اللہ علیہ وآلہ وسلم ارشاد فرمائے ہیں کہ: اگر کوئی مسلمان کسی مسلمان کی بیمار پرسی کے لئے جا کر اس کے پاس بیٹھ کر ذیل کی دعاء سات مرتبہ پڑھے تو اللہ تعالیٰ اس بیمار کو ضرور اس بیماری سے شفاء عطاء فرمائیں گے ہاں اگر اس شخص کی موت ہی آ گئی ہو تو وہ اور بات ہے۔ (موت کا وقت ٹل نہیں سکتا) وہ مذکورہ دعاء یہ ہے: اَسْأَلُ اللّٰهَ الْعَظِيمَ رَبَّ الْعَرْشِ الْعَظِيمِ اَنْ يَّشْفِيَكَ ۔ (بیمار کی طرف متوجہ ہو کر کہے) بڑی عظمت والے خدا سے جو عرش عظیم کا رب ہے درخواست کرتا ہوں کہ وہ تم کو (تمہارے اس مرض سے جلد) شفاء دے۔ اس کی روایت ابوداؤد اور ترمذی نے کی ہے۔