Hadith 3056a

ابو ہریرہ رضی اللہ عنہ سے مرفوعاً روایت ہے اللہ تعالیٰ ارشاد فرماتے ہیں کہ (کسی کاروبار میں) دو آدمی شریک ہوں تو میں ان کے ساتھ تیسرا خود ہوتا ہوں (تاکہ ان کے مال کی حفاظت اور اس میں خیر و برکت ہو، یہ اس وقت تک ہے) جب تک کہ ان میں سے کوئی ایک اپنے ساتھی کے ساتھ خیانت اور بددیانتی نہ کرے اور اگر ان میں سے کسی ایک نے خیانت کی تو میں ان کے پاس سے ہٹ جاتا ہوں (جس سے معاملہ کی خیر و برکت اور حفاظت ختم ہوجاتی ہے)۔ اس کی روایت ابوداود نے کی ہے۔ اور رزین نے اس روایت کے آخر میں اتنا اضافہ کیا ہے کہ (جب فریقین کے درمیان خیانت آجاتی ہے تو اللہ تعالیٰ وہاں سے ہٹ جاتے ہیں) اور شیطان آجاتا ہے (جس کی وجہ سے نفاق بے برکتی اور نقصان شروع ہوجاتا ہے۔)