Hadith 4546

ملا علی قاری رحمہ اللہ الباری نے فرمایا: سیدنا جابر اور سیدنا عباد کی حدیث میں تطبیق یہ ہے کہ دو پاؤں میں سے ایک کو دوسرے پاؤں پر رکھنا بھی دو قسم کا ہوتا ہے: (1) ایک یہ ہے کہ اس کے دونوں پاؤں دراز ہوں اور دو میں سے ایک پاؤں دوسرے پاؤں کے اوپر ہو تو اس میں کوئی حرج نہیں کیونکہ اس صورت میں ستر کا حصہ نہیں کھلتا، (2) اور دوسری قسم یہ ہے کہ وہ دونوں پاؤں میں سے ایک پاؤں کی پنڈلی کو کھڑا کرے اور دوسرا پاؤں کھڑے کئے ہوئے گھٹنے پر رکھے اس صورت میں اگر ستر کا حصہ نہ کھلتا ہو اس طرح سے کہ اس پر پائجامہ ہو یا اس کا تہبند یا اس کا دامن دونوں لمبے ہوں تو یہ جائز ہے ورنہ جائز نہیں ہے۔ اور ہمارے بعض علماء نے کہا: اس کی نہی و ممانعت اس لئے مطلق بیان کی گئی ہے کہ انہیں اکثر تہبند ہوتی تھی۔