Hadith 4817

سیدنا انس رضی اللہ تعالیٰ عنہ سے روایت ہے آپ فرماتے ہیں کہ ایک آدمی نبی کریم صلی اللہ علیہ وسلم کے قریب سے گزرا جبکہ حضور صلی اللہ علیہ وسلم کی بارگاہ میں بہت سے صحابہ موجود تھے حضرت کے پاس بیٹھے ہوئے لوگوں میں سے ایک شخص نے کہا: یقیناً میں اس سے اللہ کیلئے محبت کرتا ہوں، تو رسول اللہ صلی اللہ علیہ وسلم نے فرمایا: کیا تم ان کے علم میں یہ بات لائے ہو، عرض کی نہیں، فرمایا: اٹھو اور ان کی طرف جاؤ اور انہیں خبر دو تو وہ اٹھے اور ان کی طرف گئے اور ان کے سامنے اپنی محبت کا تذکرہ کیا: تو انہوں نے کہا: تم سے وہ ذات محبت کرے جس کے لئے تم نے مجھ سے محبت کی، راوی کہتے ہیں کہ پھر وہ لوٹ کر آئے، حضور صلی اللہ علیہ وسلم نے ان سے پوچھا تو انہوں نے حضور کی خدمت میں عرض کیا: جو کچھ انہوں نے کہا پس نبی اکرم صلی اللہ علیہ وسلم نے فرمایا: تم اسی کے ساتھ رہو گے جس سے تمہیں محبت ہے اور تمہارے لئے وہی ہے جس کی تم نے نیت کی ہے۔ (بیہقی: شعب الایمان)۔ اور ترمذی کی روایت میں ہے، آدمی اسی کے ساتھ ہے جس سے اسے محبت ہے اور اس کے لئے وہی ہے جو اس 1 نے کمایا۔