Hadith 5020

حضرت ابو عبدالرحمن حُبُلی رحمۃ اللہ علیہ سے روایت ہے کہ میں نے حضرت عبداللہ بن عمرو رضی اللہ تعالیٰ عنہ سے سنا، ان سے ایک آدمی نے پوچھا کہ کیا ہم فقراء مہاجرین میں سے نہیں ہیں؟ تو اُن سے حضرت عبداللہ نے کہا: کیا تمہاری کوئی بیوی ہے جس کے پاس تم ٹھکانہ کرتے ہو، تو اُس نے کہا: ہاں، اُنہوں نے کہا: کیا تمہارا کوئی گھر ہے جس میں تم رہتے ہو؟ اُس نے کہا: ہاں، اُنہوں نے کہا: پھر تم تو مالداروں1 میں سے ہو، اُس نے کہا: میرے پاس ایک خادم بھی ہے اُنہوں نے کہا: تب تو تم بادشاہوں میں سے ہو۔ عبدالرحمن رحمۃ اللہ علیہ کہتے ہیں کہ عبداللہ بن عمرو کے پاس اور تین آدمی حاضر ہوئے، جبکہ میں اُن کے پاس تھا، اور اُنہوں نے کہا: اے ابومحمد! اللہ کی قسم ہم کسی چیز کی قدرت نہیں رکھتے ہیں، نہ نفقہ کی، نہ چوپایہ اور نہ ساز و سامان کی، تو آپ نے اُن لوگوں سے فرمایا: تم جو چاہتے ہو اگر تم چاہو تو ہمارے پاس پھر آؤ تو ہم تم کو اللہ تمہارے لئے جو میسر فرمایا دیں گے، اور اگر تم چاہو تو تمہارا معاملہ سلطان سے ذکر کریں گے، اور اگر چاہو تو صبر کرو، کیونکہ میں نے رسول اللہ ﷺ کو فرماتے ہوئے سنا ہے کہ مہاجرین فقراء روزِ قیامت مالداروں سے چالیس سال پہلے جنت میں چلے جائیں گے۔ تب تو، ہم صبر کریں گے، کچھ نہ مانگیں گے۔ (مسلم)۔