Hadith 5680

حضرت ابن عمر رضی اللہ تعالیٰ عنہما سے روایت ہے، انہوں نے کہا: ہم رسول اللہ صلی اللہ علیہ وسلم کے ساتھ ایک سفر میں تھے کہ ایک دیہاتی آیا اور جب آپ کے قریب ہو گیا، تو اس سے رسول اللہ صلی اللہ علیہ وسلم نے فرمایا تو گواہی دیتا ہے: ”لَا إِلٰهَ إِلَّا اللّٰهُ وَحْدَهُ لَا شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ“ کی کہ اللہ کے سوا کوئی معبود نہیں وہ یکتا ہے اس کا کوئی شریک نہیں اور محمد صلی اللہ علیہ وسلم اس کے بندے اور اس کے رسول ہیں تو اس نے کہا آپ جو کہہ رہے ہیں اس کی گواہی کون دیتا ہے تو آپ نے فرمایا یہ سلمہ (91) پھر رسول اللہ صلی اللہ علیہ وسلم نے اس کو بلایا جبکہ وہ وادی کے کنارے پر تھا تو وہ زمین کو چیرتا ہوا آیا یہاں تک کہ آپ کے سامنے کھڑا ہو گیا اور آپ نے اس سے تین مرتبہ گواہی طلب کی تو جیسے آپ نے فرمایا اسی طرح اس نے تین مرتبہ گواہی دی، پھر اپنے مقام پر چلا گیا۔ (دارمی)۔