Hadith 5843

حضرت ابوموسیٰ اشعری رضی اللہ تعالیٰ عنہ سے روایت ہے انہوں نے کہا کہ میں نبی اکرم صلی اللہ علیہ وسلم کے ساتھ مدینہ کے باغات میں سے ایک باغ میں تھا کہ ایک صاحب آئے اور دروازہ کھولنے کو کہا تو نبی اکرم صلی اللہ علیہ وسلم نے فرمایا تم ان کے لئے کھول دو اور ان کو جنت کی خوشخبری سنا دو تو میں کھولا تو کیا دیکھتا ہوں کہ حضرت ابوبکر ہیں تو میں نے ان کو جو کچھ رسول اللہ صلی اللہ علیہ وسلم نے فرمایا تھا خوشخبری سنا دی تو وہ اللہ کا شکر ادا کئے پھر ایک صاحب آئے اور کھولنے کے لئے کہا تو نبی اکرم صلی اللہ علیہ وسلم نے فرمایا کھول دو اور ان کو جنت کی خوشخبری سنا دو تو میں نے ان کے لئے کھول دیا تو وہ تھے عمر اور میں نے جو رسول اللہ صلی اللہ علیہ وسلم نے فرمایا تھا ان کو بتا دیا تو انہوں نے اللہ کا شکر ادا کیا پھر ایک صاحب نے کھولنے کو کہا تو آپ نے مجھ سے فرمایا ان کے لئے کھول دو اور جنت کی خوشخبری دو اس مصیبت پر(2) جو ان پر آئے گی تو کیا دیکھتا ہوں کہ وہ عثمان ہیں تو جو کچھ نبی اکرم صلی اللہ علیہ وسلم نے فرمایا: میں ان کو بتا دیا تو انہوں نے اللہ کا شکر ادا کیا اور کہا: الله المستعان. اللہ ہی سے مدد مانگی جاتی ہے۔ (متفق علیہ)