Hadith 3382

ف(1): واضح ہو کہ اس حدیث شریف میں حضرت سعد کا یہ کہنا کہ میں زبانی قتل کر دوں گا رسول اللہ صلی اللہ علیہ وآلہ وسلم کی مخالفت نہ تھی بلکہ اظہارِ قول ان کی طبعی غیرت کی وجہ سے تھا چنانچہ رسول اللہ صلی اللہ علیہ وآلہ وسلم نے ان کے اس جذبۂ غیرت کو پسند بھی فرمایا ورنہ رسول اللہ صلی اللہ علیہ وآلہ وسلم کی مخالفت تو کفر ہے۔ (لمعات) ف(2): اس حدیث شریف سے یہ بھی معلوم ہوتا ہے کہ بدکاری کے وقت قتل کرنے سے عند اللہ گناہ نہیں لیکن اگر گواہ نہ ہوں گے تو حاکم قصاص لے گا ایسے موقع میں بہتر تو یہ ہے کہ آدمی صبر و تحمل سے کام لے، یا تو گواہ فراہم کرے یا پھر لعان کر کے یا طلاق دے دے جیسا کہ اوپر کی حدیثوں میں حضرت ہلال بن امیہ اور عویمر عجلانی نے صبر و تحمل سے کام لے کر احکام شریعت کے مطابق لعان کیا۔12