Hadith 1116

ابو ہریرہ رضی اللہ تعالیٰ عنہ سے روایت ہے، وہ کہتے ہیں کہ رسول اللہ صلی اللہ علیہ وسلم تکبیر تحریمہ کے بعد قرأت شروع فرمانے سے پہلے کچھ دیر خاموش رہا کرتے تھے، میں نے عرض کیا یا رسول اللہ صلی اللہ علیہ وسلم میرے ماں باپ آپ پر قربان ہوں، حضور تکبیر اور قرأت کے درمیان خاموش رہنے کے وقت کیا پڑھتے ہیں، فرمایا یہ دعاء پڑھتا ہوں: الٰہی! میرے اور میرے گناہوں کے درمیان اتنی دوری کردے جتنی مشرق اور مغرب کے درمیان تو نے دوری کردی ہے، الٰہی! مجھے گناہوں سے ایسا پاک و صاف کردے جس طرح سفید کپڑا میل کچیل سے پاک و صاف کردیا جاتا ہے۔ الٰہی! میرے گناہوں کو پانی، برف اور اولے سے دھو ڈال۔ (اس کی روایت بخاری اور مسلم نے متفقہ طور پر کی ہے۔)