Hadith 1428

ابو ہریرہ رضی اللہ عنہ سے روایت ہے وہ فرماتے ہیں کہ (ایک بار) رسول اللہ صلی اللہ علیہ وآلہ وسلم نے ارشاد فرمایا: قسم ہے اس خدا کی جس کے قبضہ قدرت میں میری جان ہے میرا ارادہ تھا کہ لکڑیاں جمع کرنے کا حکم دوں، جب لکڑیاں جمع ہو جائیں تو نماز کی تیاری کا حکم دوں، پھر اذان کے ذریعہ سے نماز کا اعلان کرا دوں (اذان کے بعد) کسی کو امامت کرنے کا حکم دوں اور میں خود اپنے اس حکم کا خلاف کر کے، خود نماز میں شریک نہ ہو کر، جماعت میں نہ آنے والوں کی طرف چلا جاؤں اور ان کے مکانات کو آگ لگا دوں، قسم ہے اس خدا کی جس کے قبضہ قدرت میں میری جان ہے، جماعت میں شریک نہ ہونے والوں کو آخرت کے ثواب کا یقین نہیں، دنیا ہی دنیا ان کے پیش نظر ہے، اگر ایک حقیر ہڈی یا معمولی تیریں مسجد میں دیئے جانے کا ان کو علم ہوتا تو یہ دنیا کے بندے نماز عشاء کی جماعت میں ضرور آتے (اور جماعتوں میں تو شریک ہو کر ریاء کر کے مخلوق کا حسن ظن حاصل کر سکتے ہیں، اس لئے دن کی جماعتوں میں کبھی آ بھی جاتے ہیں لیکن عشاء کی نماز کو جماعت سے ادا کرنے کا آخرت میں جو ثواب ملنے والا ہے ان کو اس کا یقین نہیں، اس لئے وہ عشاء کی جماعت میں نہیں آتے ہیں)۔ (اس کی روایت بخاری نے کی ہے، اور مسلم نے بھی اسی طرح روایت کی ہے۔)