Hadith 1524

ابو ہریرہ رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا کہ جو شخص (سنن اور مستحبات کی پابندی کے ساتھ حضور دل سے) اچھی طرح وضو کرے اور جماعت کے ارادے سے مسجد کو جائے وہاں جا کر کیا دیکھتا ہے کہ لوگ نماز پڑھ چکے ہیں (اس کو جماعت نہ ملنے سے بڑی حسرت ہوئی۔ چونکہ وہ جماعت کی نیت سے نکلا تھا اور اتفاق سے اس کو جماعت نہیں ملی اس لئے) اللہ تعالیٰ اس شخص کو بھی (اس کی نیت اور پچھتاوے کی وجہ سے) جماعت میں حاضر ہونے والوں اور جماعت سے نماز پڑھنے والوں کے برابر ثواب عطا فرماتے ہیں (اس کو جماعت کا جو اجر و ثواب دیا گیا ہے یہ اللہ تعالیٰ کی قدردانی ہے اس لئے اس شخص کو اجر دینے سے جو جماعت سے نماز پڑھ چکے ہیں، ان کے اجر و ثواب میں کچھ کمی نہیں ہوگی)۔ (اس کی روایت ابوداؤد اور نسائی نے کی ہے۔)