Hadith 1767

37/2040-2041۔ ابن عمر رضی اللہ عنہما سے روایت ہے آپ فرماتے ہیں کہ نبی کریم صلی اللہ علیہ و آلہ وسلم منٰی میں سفر کی نماز کی طرح (چار رکعت والی فرض نمازوں میں قصر کر کے) دو رکعت پڑھے ہیں، اور حضرت ابوبکر صدیق رضی اللہ عنہ بھی منٰی میں مسافر کی نماز کی طرح قصر کر کے دو رکعت ہی پڑھتے رہے، اور حضرت عمر فاروق رضی اللہ عنہ بھی منٰی میں مسافر کی طرح قصر کر کے دو رکعت ہی پڑھتے رہے، اور حضرت عثمان ذوالنورین رضی اللہ عنہ بھی منٰی میں (6) سال یا 8 سال تک مسافر کی طرح قصر کر کے دو رکعت ہی پڑھتے رہے (اور جب حضرت عثمان (جیسا کہ مرقات میں امام احمد رحمہ اللہ کے حوالے سے مذکور ہے۔ 12) مکہ معظمہ میں نکاح کر لئے تو آپ منٰی میں قصر نہیں کرتے تھے بلکہ چار رکعت پڑھا کرتے تھے)۔ (اس حدیث کی روایت مسلم نے کی ہے۔)