Hadith 1989

ابوہریرہ رضی اللہ عنہ سے روایت ہے، وہ فرماتے ہیں کہ رسول اللہ صلی اللہ علیہ وآلہ وسلم ایک صاحب کی بیمار پرسی کے لئے تشریف لے گئے (جو بخار میں مبتلا تھے) حضور صلی اللہ علیہ وآلہ وسلم ان سے فرمائے (سنو! بخار کو تم سمجھے کہ یہ کیا ہے؟) میں تم کو خوش خبری دیتا ہوں سنو! اللہ تعالیٰ ارشاد فرماتے ہیں کہ یہ بخار میری آگ ہے جس کو دنیا ہی میں اپنے بندۂ مومن پر مسلط کردیتا ہوں تاکہ قیامت کے دن اپنے گناہوں کے بدلے میں آگ میں جھونکے جانے سے بچ جائے۔ (دنیا ہی میں یہ بخار جو مثل آگ کے ہے دوزخ کی آگ کا بدل ہوجائے، اور آخرت میں یہ دوزخ کی آگ سے محفوظ رہے۔) اس حدیث کی روایت امام احمد اور ابن ماجہ نے کی ہے اور بیہقی نے بھی اس کی روایت شعب الایمان میں کی ہے۔