اردو
Urdu OCR, pending reviewNoor 2598
محمد بن النعمان رضی اللہ عنہ سے روایت ہے، وہ فرماتے ہیں کہ مجھ سے ایک
صحابی نے روایت کی ہے کہ رسول اللہ صلی اللہ علیہ وآلہ وسلم ارشاد فرمائے ہیں کہ جو کوئی مسلمان ہفتہ
میں کسی ایک دن اپنے ماں باپ کی قبروں یا ان میں سے کسی ایک کی قبر کی زیارت کرے تو اس کے
گناہ بخش دئے جاتے ہیں اور اس کا نام اس دفتر میں لکھا جاتا ہے کہ جس دفتر میں والدین کے فرماں
بردار اور خدمت گزار اولاد کا نام لکھا ہوا رہتا ہے۔
اس کی روایت بیہقی نے شعب الایمان مرسلاً کی ہے۔
Possible references (unverified, pending editorial review)
- Candidate: Mishkat al-Masabih 1767 (unverified) 90% confidence
Mishkat (candidate) 1767
Confidence and text similarity are not editorial verification.
Commentary and footnotes (1)
Note 1
ف: اس حدیث شریف میں والدین کی قبور کی زیارت کرنے کی جو فضیلت آئی ہے وہ عام ہے، فرماں بردار اور نافرمان دونوں کے لئے ہے لیکن خاص کر بشارت اس اولاد کے لئے ہے، جو ماں باپ کی زندگی میں ان کی نافرمان رہے اور ماں باپ ان سے ناراض رہے، اگر وہ نافرمان اولاد ان کے مرنے کے بعد ہفتہ میں ایک بار اپنے ماں باپ کی قبر پر جایا کرے اور ان کی مغفرت کی دعاء کیا کریں تو اس کے اپنے گناہ بھی معاف ہو جاتے ہیں اور اس کا نام والدین کے خدمت گزار اور فرماں بردار اولاد کے دفتر میں لکھا جاتا ہے۔12