اردو
Urdu OCR, pending reviewNoor 3987
ابو یسر رضی اللہ عنہ سے روایت ہے وہ فرماتے ہیں کہ میں نے نبی کریم صلی
اللہ علیہ وآلہ وسلم کو ارشاد فرماتے سنا ہے کہ آپ فرمایا کرتے تھے کہ جو شخص کسی مفلس کو مہلت دے یا
(جزءاً یا کلاً اس کے قرض کو) معاف کر دے تو اللہ تعالیٰ اس کو اپنے (عرش کے) سایہ میں جگہ دے
گا (جس دن کوئی اور سایہ نہ ہوگا)۔ اس کی روایت مسلم نے کی ہے۔
Possible references (unverified, pending editorial review)
- Candidate: Sahih Muslim 3006 (unverified) 95% confidence
Confidence and text similarity are not editorial verification.
Commentary and footnotes (1)
Note 1
ف: واضح ہو کہ فرائض نوافل پر ستر (70) درجہ فضیلت رکھتے ہیں لیکن بعض مسائل ایسے بھی ہیں جن میں نوافل فرائض پر فضیلت رکھتے ہیں۔ مثلاً مفلس کو جزوی یا کلی طور پر قرض سے معافی دے دینا مستحب ہے اور قرض کی ادائی میں مہلت دینا واجب ہے۔ اگر کوئی شخص مقروض کو معافی دے دے تو یہ امر مستحب فضیلت رکھتا ہے مہلت دینے پر جو واجب ہے۔ (2) سلام کی ابتداء مستحب ہے اور سلام کا جواب دینا فرض ہے۔ یہاں بھی سلام میں پہل کرنا افضل ہے جواب دینے پر حالانکہ سلام کا جواب دینا فرض ہے اس لئے کہ سلام میں پہل کرنا تواضع کی علامت ہے اور جو تواضع کرتا ہے اللہ تعالیٰ اس کو بلند فرماتے ہیں۔ (3) وقت نماز سے پہلے وضوء کرنا مستحب ہے اور جب نماز کا وقت شروع ہوجائے تو وضوء کرنا فرض ہے۔ یہاں بھی نماز کے وقت سے پہلے وضوء کرنا افضل ہے وقت نماز کے شروع ہونے پر وضوء کرنے سے جو فرض ہے۔ مذکورہ بالا تینوں امور میں نوافل اور مستحبات فرائض اور واجبات پر فضیلت رکھتے ہیں۔ (مرقات)۔