Hadith 3629

سیدنا وائل بن حجر رضی اللہ تعالیٰ عنہ سے مروی ہے کہ سلمہ بن یزید جعفیؓ نے رسول اللہ صلی اللہ علیہ وآلہ وسلم سے دریافت کرتے ہوئے کہا یا نبی اللہﷺ آپ کیا فرماتے ہیں اگر ہم پر ایسے امراء قائم ہو جائیں جو ہم سے اپنا حق مانگیں اور ہم سے ہمارا حق روک دیں تو آپ کیا حکم فرماتے ہیں۔ آپﷺ نے فرمایا ان کی باتیں سنو اور اطاعت کرو۔ اس کے سوا نہیں کہ ان پر وہ چیز واجب ہے جس کی ذمہ داری وہ اٹھائے ہیں اور تم پر وہ واجب ہے جس کی تم نے ذمہ داری اٹھائی ہے۔ (مسلم)