Hadith 3811

ابو نجیح سلمی رضی اللہ عنہ سے روایت ہے کہ میں نے حضرت رسول اللہ صلی اللہ علیہ وسلم کو فرماتے ہوئے سنا ہے کہ جس نے اللہ کی راہ میں کوئی تیر پہنچایا تو اس کو جنت میں ایک درجہ ہے اور جس نے اللہ کی راہ میں تیر چلایا تو اس کو ایک آزاد کردہ غلام کے برابر ثواب ہے۔ اور جس پر اسلام کی حالت میں بڑھاپا آیا تو (یہ بڑھاپا) اس کے لئے قیامت کے دن نور ہوگا۔ (بیہقی شعب الایمان) اور امام ترمذی نے دوسرا اور تیسرا حصہ روایت کیا ہے۔ اور ان دونوں کی روایت میں في الاسلام کی جگہ من شاب شيبة في سبيل الله (جس آدمی پر اللہ کے راستہ میں بڑھاپا آیا ہو) ہے۔