Hadith 4223

عبداللہ عمرو بن العاص رضی اللہ تعالیٰ عنہما سے روایت ہے انھوں نے کہا: رسول اللہ صلی اللہ علیہ وآلہ وسلم نے مجھ پر کسم میں رنگے ہوئے دو کپڑے دیکھے تو آپ نے فرمایا: کہ یہ کافروں کے کپڑوں میں سے ہے پس تم اس کو مت پہنو 1۔ اور ایک روایت میں ہے میں نے عرض کیا میں ان دونوں کو دھولوں تو آپ نے فرمایا بلکہ تم اس کو جلا دو۔ (مسلم)۔ اور انہی سے روایت ہے انھوں نے کہا: مجھ کو رسول اللہ صلی اللہ علیہ وآلہ وسلم نے دیکھا کہ مجھ پر کسم میں رنگا ہوا ایک گلابی کپڑا تھا تو آپ نے فرمایا: یہ کیا ہے، میں سمجھ گیا جس کو آپ نے ناپسند کیا ہے میں نکالا اور اس کو جلا ڈالا تو نبی اکرم صلی اللہ علیہ وآلہ وسلم نے فرمایا: تم نے اپنے کپڑے کے ساتھ کیا کیا ہے میں نے عرض کیا کہ: میں نے اس کو جلا دیا ہے۔ حضور صلی اللہ علیہ وآلہ وسلم نے فرمایا: اپنے گھر والوں میں سے کسی کو کیوں نہیں پہنایا کیونکہ اس میں عورتوں کیلئے کوئی حرج نہیں۔ (ابوداؤد)۔ عمران بن حصین رضی اللہ تعالیٰ عنہما سے روایت ہے اللہ کے نبی صلی اللہ علیہ و آلہ وسلم نے ارشاد فرمایا: سنو مرد لوگوں کا عطر خوشبو ہے جس میں رنگ نہ ہو اور عورتوں کا عطر رنگ ہے جس میں خوشبو نہ ہو۔ (ابوداؤد)۔ راوی حدیث سعید نے کہا میں سمجھتا ہوں کہ انھوں نے کہا ہے اس کے سوا نہیں کہ عورتوں کی خوشبو کے بارے میں حضور صلی اللہ علیہ وآلہ وسلم کے ارشاد کو علماء نے عورت کے گھر سے نکلنے کی صورت پر محمول کیا ہے البتہ جب وہ اپنے شوہر کے پاس رہے تو اس کو اختیار ہے جو خوشبو چاہے استعمال کرے۔