Hadith 1284

عبداللہ بن مسعود رضی اللہ عنہ سے روایت ہے، وہ فرماتے ہیں کہ (ایک مرتبہ) میں نماز پڑھ رہا تھا اور نبی کریم صلی اللہ علیہ وسلم حضرت ابوبکر صدیق اور حضرت عمر فاروق رضی اللہ عنہما بھی وہاں رونق افروز تھے جب (میں نماز میں قعدہ اخیر کیلئے) بیٹھ گیا تو پہلے (میں نے التحیات کے ذریعہ) حمد و ثناء کی نبی کریم صلی اللہ علیہ وسلم پر درود بھیجا اور اس کے بعد میں نے اپنے لئے دعاء مانگی تو نبی کریم صلی اللہ علیہ وسلم نے (اس کو پسند فرما کر) ارشاد فرمایا اچھا ہے مانگو تمہیں دیا جائے گا۔ (اس کی روایت ترمذی نے کی ہے۔)