Hadith 1572

ابو صدیق ناجی رضی اللہ عنہ سے روایت ہے انہوں نے کہا کہ ابن عمر رضی اللہ عنہما نے چند لوگوں کو دیکھا کہ وہ فجر کی دو رکعت سنت پڑھنے کے بعد کروٹ لیٹے ہوئے ہیں تو حضرت ابن عمر نے کسی کو بھیج کر ان کو اس طرح لیٹنے سے منع فرمایا (یہ سن کر) ان لوگوں نے جواب دیا کہ ہم اس طرح لیٹ کر سنت پر عمل کرنا چاہتے ہیں تو حضرت ابن عمر نے فرمایا کہ دوبارہ جا کر ان سے کہہ دو کہ فجر کی سنتوں کے بعد اس طرح لیٹنا (سنت نہیں ہے) بلکہ بدعت ہے۔ (اس کی روایت ابن ابی شیبہ نے کی ہے۔)