Hadith 1913

ابوسعید خدری رضی اللہ عنہ سے روایت ہے وہ فرماتے ہیں کہ ہم نے قربانی دینے کے لئے ایک دنبہ خریدا تو بھیڑئے نے اس کی دُم کے دونوں حصوں میں سے کچھ اور کان کے بھی کچھ حصہ کو کتر کھایا (جو نصف سے کم تھا) ہم نے اس طرح کے دنبہ کی قربانی کرنے کے متعلق حضور صلی اللہ علیہ وآلہ وسلم سے حکم دریافت کیا تو حضرت رسول اللہ صلی اللہ علیہ وآلہ وسلم حکم دئے کہ ہم اس طرح کے دنبہ کی قربانی کر دیں (اس لئے کہ اس کی دم اور کان کے نصف سے کم کا نقصان ہوا ہے اور دم اور کان کا اکثر حصہ صحیح و سالم ہے اور اکثر کا حکم کل کا ہے، اس لئے سمجھا جائے گا کہ کل دم اور کل کان صحیح و سالم ہیں، اس لئے قربانی درست ہے)۔ (اس حدیث کی روایت ابن ماجہ نے کی ہے۔)