Hadith 1994

عثمان بن ابی العاص رضی اللہ عنہ سے روایت کی گئی ہے کہ انھوں نے رسول اللہ صلی اللہ علیہ وآلہ وسلم سے عرض کیا: حضور میرے جسم کے فلاں حصہ میں درد رہتا ہے (حضرت عثمان بن ابی العاص جسم کے جس حصہ میں درد تھا اس کی صراحت نہیں کئے اس لئے کہ صراحت کرنے سے کوئی فائدہ نہیں تھا) ان سے رسول اللہ صلی اللہ علیہ وآلہ وسلم فرمائے کہ: تمہارے جسم کے جس حصہ میں درد ہورہا ہے اس حصہ پر ہاتھ رکھ کر تین دفعہ بسم اللہ کہو، اور سات دفعہ ”أَعُوذُ بِعِزَّةِ اللّٰهِ وَقُدْرَتِهِ مِنْ شَرِّ مَا أَجِدُ وَأُحَاذِرُ“ بھی کہو (اس دعا کا ترجمہ یہ ہے کہ الٰہی ہر چیز پر آپ غالب ہیں کوئی چیز آپ کی قدرت سے باہر نہیں ہے مجھے یہ درد بہت ستا رہا ہے اس لئے میں آپ کی عزت اور قدرت کی پناہ میں آکر دعا کرتا ہوں کہ جس درد کو میں پا رہا ہوں اور ڈر رہا ہوں کہ یہ درد اور زیادہ نہ ہوجائے اس درد کے شر سے مجھے بچائیے اور یہ درد مجھ سے دور کردیجئے۔) حضرت عثمان بن ابی العاص کہتے ہیں کہ میں نے حضور صلی اللہ علیہ وسلم کے اس ارشاد کی تعمیل کی، کیا کہوں! حضور کے یہ سکھلائے الفاظ میں کیا اثر تھا جیسے ہی میں یہ الفاظ ادا کیا، اللہ تعالیٰ میرے سارے درد کو دور کردیا۔ اس کی روایت مسلم نے کی ہے۔