Hadith 2102

ابوسعید خدری رضی اللہ عنہ کے صاحبزادے اپنے والد ابوسعید خدری رضی اللہ عنہ سے روایت کرتے ہیں، ابوسعید خدری فرماتے ہیں کہ رسول اللہ صلی اللہ علیہ وآلہ وسلم ارشاد فرمائے ہیں کہ جب تم کسی جنازہ کے ساتھ چلو تو جب تک جنازہ کندھوں سے نہ اتار دیں مت بیٹھا کرو۔ اس کی روایت ابوداؤد نے کی ہے۔ اور ابوداؤد کی دوسری روایت میں ایسا ہے کہ جب تم کسی جنازہ کے ساتھ ہوں تو جب تک جنازہ زمین پر نہ رکھ دیا جائے نہ بیٹھا کرو۔ اور ترمذی ابوداؤد اور ابن ماجہ نے عبادہ بن صامت رضی اللہ عنہ سے اس طرح روایت کی ہے، وہ فرماتے ہیں کہ رسول اللہ صلی اللہ علیہ وآلہ وسلم کی پہلے عادت مبارکہ یہ تھی کہ آپ جب کسی جنازہ کے ساتھ چلتے تو جب تک کہ جنازہ کندھوں سے اتار کر قبر میں نہ رکھ دیا جاتا تو آپ اس وقت تک زمین پر نہیں بیٹھا کرتے تھے، ایک مرتبہ یہودیوں کا ایک عالم حضرت صلی اللہ علیہ وسلم کے اس عمل کو دیکھ کر کہنے لگا، (اے محمد صلی اللہ علیہ وآلہ وسلم!) جیسے آپ جنازہ کو قبر میں رکھنے تک نہیں بیٹھا کرتے ہیں، عبادہ بن صامت فرماتے ہیں کہ رسول اللہ صلی اللہ علیہ وآلہ وسلم یہودی عالم سے یہ سن کر (جنازہ قبر میں رکھنے کا انتظار نہیں فرماتے تھے بلکہ جنازہ کندھوں سے اتار کر زمین پر رکھنے کے بعد ہی) بیٹھ جاتے تھے اور فرمایا کرتے تھے کہ یہودی کی مخالفت کر کے بیٹھنے کے لئے جنازہ قبر میں اتارنے کا انتظار نہ کرو بلکہ جنازہ کندھوں سے اتار کر زمین پر رکھنے کے بعد ہی بیٹھ جایا کرو۔