Hadith 24

ابوذر رضی اللہ عنہ سے روایت ہے کہتے ہیں کہ میں نبی صلی اللہ علیہ وسلم کی خدمت میں حاضر ہو کر دیکھا کہ آپ سفید کپڑا اوڑھے سو رہے تھے، دوبارہ حاضر ہوا تو آپ بیدار ہو چکے تھے، پس آپ نے ارشاد فرمایا: جس بندہ نے ”لَا إِلٰهَ إِلَّا اللّٰهُ“ کہا اور اسی قول پر مر گیا بے شک وہ جنت میں داخل ہوا، میں نے عرض کیا: اگرچہ اس نے زنا کیا ہو، اور اگرچہ اس نے چوری کی ہو، آپ نے ارشاد فرمایا: اگرچہ اس نے زنا کیا ہو، اور اگرچہ اس نے چوری کی ہو۔ میں نے عرض کیا: اگرچہ اس نے زنا کیا ہو، اور اگرچہ اس نے چوری کی ہو؟ آپ نے ارشاد فرمایا: اگرچہ اس نے زنا کیا ہو اور اگرچہ اس نے چوری کی ہو۔ میں نے عرض کیا: اگرچہ اس نے زنا کیا ہو، اور اگرچہ اس نے چوری کی ہو؟ آپ نے ارشاد فرمایا: اگرچہ اس نے زنا کیا ہو، اور اگرچہ اس نے چوری کی ہو۔ ابوذر کی ناک خاک آلود ہونے کے باوجود (یعنی اگرچہ ابوذر کے خلاف مرضی ہو،) اور ابوذر رضی اللہ عنہ جس وقت یہ حدیث بیان کرتے تو کہا کرتے: اگرچہ خاک آلود ہو، ابوذر کی ناک۔ (بخاری اور مسلم نے بالاتفاق اس کی روایت کی ہے۔)