Hadith 2964

ابن عباس رضی اللہ عنہما سے روایت ہے وہ فرماتے ہیں کہ یمن کے لوگوں کی یہ عادت تھی کہ جب وہ حج کے لئے آتے تو اپنے ساتھ توشہ نہیں رکھتے تھے اور یوں کہتے کہ ہم تو متوکل ہیں۔ جب وہ مکہ میں آتے تو لوگوں سے مانگنے لگتے تو اللہ تعالیٰ نے (سورہ بقرہ، آیت نمبر:197،پ:2،ع:25،کی) یہ آیت نازل فرمائی ”وَ تَزَوَّدُوْا فَإِنَّ خَيْرَ الزَّادِ التَّقْوٰى“ (جب تم سفر کے لئے گھر سے نکلو تو اپنے ساتھ توشہ (اور تمام مصارف) لے لیا کرو،اس لئے کہ بہترین توشہ تقویٰ ہے (یعنی بہترین تقویٰ یہ ہے کہ لوگوں سے سوال کرنے سے بچو اور برائیوں سے دور رہو) اس حدیث کی روایت بخاری نے کی ہے۔