Hadith 3416

ابوبکر صدیق رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم نے ارشاد فرمایا ہے کہ (غلاموں کے ساتھ) بُرا سلوک کرنے والا جنت میں داخل نہیں ہوگا۔ صحابہ نے عرض کیا یا رسول اللہ کیا آپ نے ہمیں نہیں بتایا کہ اس امت کے اکثر آدمی لونڈی، غلام اور یتیم ہوں گے آپ نے ارشاد فرمایا: ہاں! (میں نے کہا ہے تو صحابہ نے عرض کیا کہ سب کے ساتھ کس طرح احسان ہو سکے گا آپ نے فرمایا) تم جس طرح اپنی اولاد پر شفقت کرتے ہو اسی طرح ان پر بھی شفقت کرو اور ان کو وہ کھلاؤ جو تم خود کھاتے ہو، صحابہ نے پھر عرض کیا (ایسا عمل) بتائیے جو ہم کو دنیا میں فائدہ پہنچائے آپ ﷺ نے فرمایا (ایک تو) وہ گھوڑا جس کو تم باندھ کر رکھتے ہو اور جس پر تم اللہ کی راہ میں جہاد کرتے ہو اور (دوسرے) تیرا غلام بھی تیرے لئے کافی ہے اور اگر وہ نماز پڑھے تو وہ تیرا بھائی ہے۔ (اس کی روایت ابن ماجہ نے کی ہے)۔