Hadith 4471

سیدنا ابو سعید خدری رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: تم راستوں میں بیٹھنے سے بچو تو انہوں نے عرض کیا: یا رسول اللہ! ہمارے لئے ہماری مجالس کے سوا کوئی چارہ نہیں، ہم اس میں بات چیت کرتے ہیں، تو حضور صلی اللہ علیہ وسلم نے ارشاد فرمایا: جب تم کو بیٹھنا ہی ہو تو راستے کا حق ادا کرو، انہوں نے عرض کیا راستہ کا حق کیا ہے؟ یا رسول اللہ صلی اللہ علیہ وسلم! آپ صلی اللہ علیہ وسلم نے فرمایا: نظر نیچی رکھنا، تکلیف دہ چیز کو دور کرنا، سلام کا جواب دینا، نیکی کا حکم کرنا اور برائی سے روکنا۔ (متفق علیہ)۔