Hadith 5325

--- باقی حاشیہ --- ان دونوں حدیثوں کے درمیان تطبیق اس طرح کی جائے گی کہ بعض لوگ برہنہ جسم جمع کئے جائیں گے اور بعض لوگ لباس کے ساتھ یا قبروں سے ان کپڑوں کے ساتھ نکلیں گے جس میں وہ انتقال کرگئے تھے، پھر وہ لباس ابتدائے حشر کے وقت ان سے علیحدہ ہو جائے گا اور ان کو برہنہ بدن اٹھایا جائے گا، پھر جن کو سب سے پہلے لباس پہنایا جائے گا وہ حضرت ابراہیم علی نبینا وعلیہ الصلوۃ والسلام ہوں گے۔ اور بعض علماء نے حضرت ابو سعید خدری رضی اللہ تعالیٰ عنہ کی حدیث کو شہداء پر محمول کیا ہے؛ کیونکہ شہداء ہی وہ حضرات ہیں جن کو اُن کے لباس میں دفن کیا جاتا ہے۔ ممکن ہے کہ حضرت ابو سعید رضی اللہ تعالیٰ عنہ نے اس حدیث کو شہید کے بارے میں سنا ہو اور انہوں نے اسکو عموم پر محمول کیا ہو۔ صاحب فتح الباری نے کہا: اور بعض اہل علم نے اس حدیث کو عمل پر محمول کیا ہے اور عمل پر لباس کا اطلاق اللہ تعالیٰ کے اس قول سے ثابت ہے: وَلِبَاسُ التَّقْوٰى، ذٰلِكَ خَيْرٌ ”۔ (7-الاعراف، آیت:26)۔ 1 قوله اول من يكسى يوم القيامة ابراهيم (سب سے پہلے جن کو قیامت کے دن لباس پہنایا جائے گا سیدنا ابراہیم علیہ السلام ہیں) حضرت سیدنا ابراہیم علیہ السلام کو حضرت سیدنا محمد صلی اللہ علیہ وسلم پر اس باب میں مقدم کئے جانے کی وجہ کیا ہے؟ تو اس جواب میں کہا گیا ہے کہ یہ اس وجہ سے ہے کہ حضرت ابراہیم علیہ السلام ہی نے سب سے پہلے ختنہ کی سنت کو ایجاد کیا اور اس میں کسی قدر کشف عورت ہے، تو انکو ستر پوشی کے ذریعہ اسکا بدلہ دیا گیا، جیسا کہ پیاسے روزہ دار کو، ریان دروازے سے داخلہ کے ذریعہ بدلہ دیا جائے گا۔ ونیز کہا گیا اس میں ایک حکمت یہ ہے کہ انکو آگ میں ڈالتے وقت برہنہ کیا گیا تھا۔ اور یہ بھی کہا گیا کیونکہ انہوں نے سب سے پہلے پاجاموں کے ذریعہ ستر پوشی کا طریقہ ایجاد کیا تھا۔ (عمدۃ القاری)۔ صاحب فتح الباری نے کہا: کہا گیا کیونکہ وہ نہایت خوف خدا والے تھے ان کو سکون و اطمینان کیلئے سب سے پہلے لباس پہنایا گیا۔ امام قرطبی نے مسلم کی شرح میں کہا کہ حدیث شریف میں خلائق سے مراد ہمارے نبی اکرم صلی اللہ علیہ وسلم کے سوا باقی لوگ مراد ہیں، پس آپ صلی اللہ علیہ الصلوۃ والسلام --- بقیہ حاشیہ اگلے صفحہ پر --- ۔۔۔ باقی حاشیہ۔۔۔ عمومی خطاب میں داخل نہیں ہیں اور انکے شاگرد قرطبی نے بھی ”التذکرۃ“ میں کہا ہے: یہ اچھی توجیہ ہے اگر حضرت علی رضی اللہ تعالیٰ عنہ کی وہ حدیث نہ ہوتی جسکی ابن مبارک نے ”الزہد“ میں عبداللہ بن حارث کی سند سے تخریج کی ہے حضرت علی رضی اللہ تعالیٰ عنہ سے روایت ہے بروز قیامت سب سے پہلے حضرت ابراہیم علیہ السلام کو دو چادریں پہنائی جائیں گی، پھر حضرت محمد صلی اللہ علیہ وسلم کو عرش کے دائیں جانب سے ”حبرہ“ عمدہ دھاری دار چادر پہنائی جائے گی۔ (یہ آپ کے مستثنی ہونے کے خلاف نہیں ہے کیونکہ یہ عرش پر جلوہ افروزی کے موقعہ پر ہے) (مترجم)۔ اور ابو یعلی نے حضرت ابن عباس رضی اللہ تعالیٰ عنہ سے مرفوعاً ایک طویل حدیث اس باب کی حدیث کی طرح روایت کی اور انہوں نے مزید یہ بیان کیا، جنت کا جوڑا سب سے پہلے حضرت ابراہیم علیہ السلام کو پہنایا جائے گا، اور ایک کرسی لائی جائے گی اور عرش کے دائیں جانب رکھی جائے گی، پھر مجھے لایا جائے گا اور جنت کا ایسا عمدہ لباس پہنایا جائے گا جو کسی بشر کے لئے نہ ہوسکے گا، پھر یہ بات بھی کہی گئی ہے کہ اس میں اگر یہ اس بات پر معلوم ہوتی ہے کہ حضرت ابراہیم علیہ السلام حضور علیہ الصلوٰۃ والسلام سے افضل ہیں، تو اسکا یہ جواب دیا گیا کہ کسی شخص کا کسی ایک فضیلت کے ساتھ مخصوص ہونے سے اسکا مطلقاً سب سے افضل ہونا لازم نہیں آتا۔ (عینی)۔ اور اس میں یہ بات بھی ہوسکتی ہے کہ ہمارے نبی صلی اللہ علیہ وسلم اپنی قبر انور سے اس لباس کے ساتھ برآمد ہوں گے جس میں آپ کا وصال ہوا۔ اور جنت کے لباسوں میں اس دن جو جوڑا آپ کو پہنایا جائے گا وہ خلعت کرامت ہے اس کا قرینہ یہ ہے کہ آپکو ساق عرش کے پاس کرسی پر بٹھایا جائے گا، پس لباس پہنانے جانے میں حضرت ابراہیم علیہ السلام کی اولیت اور ان کا تقدم دیگر مخلوقات کے نسبت سے ہے۔ اور علامہ حلیمی نے ایک جواب یہ دیا کہ ظاہر حدیث شریف کے مطابق سب سے پہلے حضرت ابراہیم علیہ السلام کو لباس پہنایا جائے گا، پھر ہمارے نبی اکرم صلی اللہ علیہ وسلم کو لیکن ہمارے نبی اکرم صلی اللہ علیہ وسلم کا جوڑا سب سے اعلیٰ و اکمل ہوگا تو اسکی نفاست عمدگی کے ذریعہ اس اولیت کی تلافی ہوجائے گی۔ واللہ اعلم۔ (فتح الباری)۔ 1 قوله : لن يزالوا مرتدين الخ (وہ مرتد رہے) خطابی نے کہا: ۔۔۔ بقیہ حاشیہ اگلے صفحہ پر۔۔۔ ۔۔۔ باقی حاشیہ۔۔۔ آپ علیہ الصلوۃ والسلام کے قول ”مرتدین“ سے اسلام سے پلٹنا مراد نہیں ہے، بلکہ حقوق واجبہ میں کوتاہی کرنا مراد ہے۔ بحمدہ تعالیٰ صحابہ کرام میں سے کوئی بھی مرتد نہیں ہوئے ہیں اور صرف سرکش اعرابی لوگ ہی مرتد ہوئے ہیں۔ علامہ عیاض علیہ الرحمۃ نے کہا: یہ لوگ دو قسم کے ہیں۔ (1) یا تو نافرمان (2) یا کفر کی طرف پلٹنے والے۔ اور اس میں ایک قول یہ بھی ہے کہ یہ اس سے کفر مراد ہے اور یہ اپنے ظاہر پر ہے، اور ”امتی“ (میری امت) سے امت دعوت مراد ہے نہ کہ امت اجابت۔ علامہ ابن التین نے کہا: یہ بھی ممکن ہے کہ وہ منافقین ہوں یا گناہ کبیرہ کے مرتکبین ہوں۔ علامہ داودی نے کہا: اس میں گناہ کبیرہ کرنے والوں کا اور بدعتوں کا ارتکاب کرنے والے کا شامل ہونا ممتنع نہیں ہے۔ امام نووی نے کہا: یہ کہا گیا کہ وہ منافقین اور مرتدین ہیں اور جائز ہے کہ ان کا حشر چہرے اور ہاتھ پاؤں کی چمک والوں کے ساتھ کیا جائے؛ کیونکہ وہ جملہ امت میں سے ہیں۔ پس رسول اللہ صلی اللہ علیہ وسلم ان کو اس علامت کی وجہ سے جان پرکھیں، تو کہا جائیگا ان لوگوں نے آپ کے بعد بدل دیا ہے یعنی وہ لوگ اس حالت پر نہیں مرے جس پر آپ ان سے جدا ہوئے۔ قاضی عیاض و دیگر علماء نے کہا: اسی بناء پر ان سے چمک ختم ہو جائیگی اور ان کا نور بجھ جائیگا۔ فربری نے کہا: ابو عبداللہ امام بخاری رحمہ اللہ نے قبیصہ سے روایت کرتے ہوئے ذکر کیا گیا کہ وہ وہ لوگ ہیں جو حضرت سیدنا ابوبکر صدیق رضی اللہ تعالیٰ عنہ کے عہد میں مرتد ہوگئے تھے اور حضرت ابوبکر صدیق رضی اللہ تعالیٰ عنہ نے ان سے جہاد کیا یہاں تک کہ وہ قتل کر دئیے گئے اور کفر پر مر گئے۔ (عینی)۔ 1؎ يعرق الناس (لوگ پسینہ پسینہ ہو جائیں گے) اس پسینہ کا سبب مسلسل و متواتر مصائب کا آنا اور حیاء و ندامت و ملامت کا لاحق ہونا سورج اور دوزخ کی حرارت کا جمع ہونا ہے، جیسا کہ ایک روایت میں آیا ہے کہ جہنم اہل محشر کو گھیر کھائے گی پس جنت کی طرف پل صراط کے سوا کوئی راستہ نہ ہوگا۔(مرقات)۔ صاحب فتح الباری نے کہا: شیخ ابو محمد بن ابی جمرہ نے کہا: ظاہر حدیث سے معلوم ہوتا ہے کہ یہ صورت حال سارے لوگوں کو شامل ہے لیکن دیگر احادیث اس بات پر دلالت کرتے ہیں کہ وہ مخصوص بالبعض ہے اور یہ اکثر لوگوں سے متعلق ہے اور اس سے انبیاء کرام شہداء اور جنہیں اللہ چاہے وہ مستثنیٰ ہیں اور پسینے میں سب سے زیادہ سخت کافر ہونگے پھر گناہ کبیرہ والے پھر جو ان کے بعد ہیں اور مسلمان ان میں سے بہ نسبت کفار کے بہت کم ہونگے، جیسا کہ اگلی تعداد حدیث بعث النار میں آئیگی۔ 2؎ وقوله : ومنهم من يكون الى كعبيه الخ (ان میں سے بعض وہ ہیں جنکے دونوں ٹخنوں تک پسینہ ہوگا) ابن الملک نے کہا: اگر تم کہو کہ پسینہ جب سمندر کی طرح ہوگا اور بعض افراد کو منہ تک ہوگا تو وہ دوسروں کے ٹخنے تک کیسے رہیگا؟ اس کے جواب میں ہم کہتے ہیں کہ یہ بات جائز ہے کہ اللہ تعالیٰ بعض بندوں کے قدموں کے نیچے زمین میں بلندی پیدا کرے یا یہ بھی کہا جاتا ہے کہ اللہ تعالیٰ ہر انسان کا پسینہ اسکے عمل کے موافق روکے گا اور اس میں سے کچھ بھی دوسرے کو نہیں پہنچے گا جیسا کہ اللہ تعالیٰ نے حضرت موسیٰ علیہ الصلوٰۃ والسلام کیلئے سمندر کا بہنا روک دیا تھا۔ میں کہتا ہوں کہ یہ آخری قول ہی معتبر ہے؛ کیونکہ آخرت کے تمام معاملات --- بقیہ حاشیہ اگلے صفحہ پر--- ۔۔۔ باقی حاشیہ ۔۔۔ خلاف عادت ہیں۔ کیا تم یہ نہیں دیکھتے کہ ایک ہی قبر میں دو اشخاص ہیں انہیں سے ایک کو عذاب دیا جاتا ہے جبکہ دوسرے کو نعمتیں دی جاتی ہیں اور ان میں سے کوئی بھی ایک دوسرے کے متعلق نہیں جانتا اور دنیا میں اسکی مثال سونے والے ایسے دو شخص ہیں جو اپنے خواب میں مختلف ہیں انہیں سے ایک غمگین ہوتا ہے اور دوسرا خوش ہوتا ہے بلکہ ایک ہی جگہ بیٹھے ہوئے دو اشخاص ہوتے ہیں ان میں سے ایک علیین میں ہے، تو دوسرا اسفل سافلین میں یا ان دونوں میں ایک صحت کی حالت میں ہے تو دوسرا بیماری یا مصیبت میں ہے۔(مرقات)۔ 1 قولہ: ما من احد يموت الا ندم مطلب یہ ہے کہ تم موت آنے سے پہلے اپنی زندگی کو غنیمت جانو! اور وقت گزر جانے سے پہلے نیکیوں میں سبقت کرو۔(مرقات)۔ 1 قوله: من كل الف الخ (ہر ہزار میں سے) اس حدیث کے درمیان اور دوسری روایت جس میں ”ہر سو میں سے ننانوے“ آیا ہے ان دونوں کے درمیان کوئی تعارض نہیں ہے؛ کیونکہ مفہوم عدد کا اعتبار نہیں ہوتا، اسی لئے کسی عدد کے ساتھ کسی کو خاص کرنا زیادہ کی نفی پر دلالت نہیں کرتا، اور ان عددوں سے ہر ہزار میں سے نوسو ننانوے) ہر سو میں سے ننانوے سے یہ بتانا مقصود ہے کہ مؤمنین کی تعداد کم ہے اور کفار کی تعداد زیادہ ہے۔ یہ قول صاحب کواکب نے کہا ہے اور صاحب فتح الباری نے ان کا تعاقب کیا اور فرمایا: اس کے پہلے کلام کا تقاضہ یہ ہے کہ حضرت ابو ہریرہ رضی اللہ عنہ کی حدیث کو حضرت ابوسعید رضی اللہ تعالیٰ عنہ کی حدیث پر مقدم کیا جائے؛ کیونکہ وہ عدد کی زیادتی پر مشتمل ہے اس لئے کہ ابوسعید رضی اللہ تعالیٰ عنہ کی حدیث اس بات پر دلالت کر رہی ہے کہ اہل جنت کا حصہ ہر ہزار میں سے ایک ہے اور حضرت ابو ہریرہ رضی اللہ تعالیٰ عنہ کی حدیث اس بات پر دلالت کر رہی ہے کہ وہ دس ہیں اسی لئے زائد کا حکم لگایا جائے گا۔ اور اس کے آخری کلام کا مقتضیٰ یہ ہے کہ عدد کی طرف دیکھا نہ جائے بلکہ ان دونوں میں جو قدر مشترک ہے جس کا انہوں نے ذکر کیا ہے وہ تعداد کو کم بتانا مقصود ہے، پھر انہوں نے یہ جواب دیا کہ حضرت ابوسعید رضی اللہ عنہ اور جو ان کے موافق ہیں ان کی حدیث کو محمول کیا جائے گا، تمام اولاد آدم پر۔۔۔ بقیہ حاشیہ اگلے صفحہ پر۔۔۔ ۔۔۔باقی حاشیہ۔۔۔ کہ ان میں ہر ہزار میں سے ایک (جنتی) ہوگا اور حضرت ابوہریرہ رضی اللہ عنہ کی حدیث کا اور جو ان کے موافق میں ہیں ان کی حدیث کو محمول کی جائے گی یاجوج اور ماجوج کے سوا لوگوں پر پس اس صورت میں ہر ہزار میں سے دس جنتی ہوں گے اور اس کا ثبوت یہ ہے کہ یاجوج اور ماجوج کا ذکر حضرت ابوسعید رضی اللہ عنہ کی حدیث میں ہے حضرت ابوہریرہ رضی اللہ عنہ کی حدیث میں یاجوج ماجوج کا ذکر نہیں ہے، اور اس بات کا بھی احتمال ہے کہ پہلی حدیث تمام مخلوق کے متعلق ہو اور دوسری حدیث خاص اس امت سے متعلق ہو، اور حضرت ابوہریرہ رضی اللہ تعالیٰ عنہ کی حدیث رسول اللہ ﷺ کا ارشاد ”اذا اخذنا منا“ اسی مفہوم کے قریب ہے، اس اور اس میں اس بات کا بھی احتمال ہے کہ تقسیم دو مرتبہ واقع ہوئی ہو، ایک مرتبہ اس امت سے پہلی والی تمام امتوں کے ہر ہر ہزار میں سے ایک (جنتی) ہوگا، اور دوسری مرتبہ صرف اسی امت میں سے ہر ہزار میں سے دس جنتی ہوں گے۔ اور حضرت ابن عباس رضی اللہ عنہ کی حدیث میں ہے بے شک تم ہزار میں سے ایک جزء (حصہ) ہو۔ اور اس بات کا بھی احتمال ہے کہ بعث النار میں کفار اور جو نافرمان ہیں وہ سب داخل ہوں گے، پس ہر ہزار میں سے نو سو ننانوے کافر اور ہر ہر ہزار میں سے نو سو ننانوے نافرمان ہوں گے انتهى۔ اسی طرح امام قسطلانی نے بھی کہا ہے۔ 1؎ قوله: ارجوا ان تكونوا ثلث اهل الجنة (میں امید کرتا ہوں کہ تم اہل جنت کے ایک تہائی ہوں گے) ہوسکتا ہے کہ آپ ﷺ اس کو بتدریج بیان فرمائے ہوں تاکہ ان کے دل یک وقت انتہائی خوشی سے کٹ نہ جائیں، یا مختلف دفعات میں ان کے (جنت میں) داخل ہونے کی طرف نظر کرتے ہوئے فرمایا ہو یا آپ پر یکے بعد دیگرے جس طرح وحی نازل ہوتی گئی اور آپ کو بشارت دی گئی اسی طرح آپ اس کی خبر دیتے گئے ہوں۔ (مرقات)۔ 2؎ قوله ارجوا ان تكونوا نصف اهل الجنة (میں امید کرتا ہوں کہ تم نصف اہل جنت ہوں گے) ہوسکتا ہے کہ یہ حدیث آپ ﷺ کو اس اطلاع کی وحی آنے سے پہلے کی ہو جس میں صراحت ہے کہ آپ کی امت اہل جنت کے دو ثلث ہوگی؛ کیونکہ حدیث میں وارد ہے کہ اہل جنت کی صفیں ایک سو بیس (120) ہوں گی، اس میں (80) صفیں امت محمدیہ کی ہوں گی، اور چالیس (40) صفیں دیگر امتوں کی ہوں گی، یعنی امت محمدیہ اہل جنت میں دو ثلث کی تعداد میں ہوں گی، اور یہ بھی ممکن ہے کہ وہ ابتداء ۔۔۔ بقیہ حاشیہ اگلے صفحہ پر۔۔۔ ۔۔۔ باقی حاشیہ ۔۔۔ نصف ہوں گے یعنی شروع میں داخل ہونے والوں کی تعداد نصف ہوگی اور دراصل یہ حدیث یہاں مختصر واقع ہوئی ہے۔ (مرقات)۔ 1 قوله اقرؤا الخ (تم پڑھو) طیبی نے کہا: اگر تم کہو کہ اس آیت سے استدلال درست کیسے ہوسکتا ہے، کیونکہ حدیث میں موٹے بڑے آدمی کا جو ذکر آیا ہے اس سے وزن میں تولنے سے جسم کا وزن اور اس کی مقدار کا اور آیت میں یا تو اعمال کا تولنا مراد ہے جیسا کہ اللہ تعالیٰ کا ارشاد ہے پس ان کے اعمال رائیگاں ہوگئے، کی یا ان کی مقدار مراد ہے، اس کا مطلب یہ ہے کہ ہم ان کو حقیر کردیں گے اور ان کا ہمارے پاس نہ کوئی وزن ہوگا نہ کوئی مقدار، تو میں کہوں گا: حدیث کی دوسری توجیہ یہ ہے کہ یہ حدیث علیٰ سبیل الکنایۃ ہے اور جسامت کا ذکر اس کی مقدار مراد لینے کے منافی نہیں ہے، اللہ تعالیٰ نے فرمایا: اور جب تم ان کو دیکھو گے ان کے اجسام تم کو حیرت میں ڈال دیں گے اگر وہ کہیں گے تو آپ ان کی بات سنیں گے گویا وہ ٹیک دیئے ہوئی لکڑیاں ہیں۔ (مرقات)۔ 1 قولہ: یارب انک وعدتنی الخ (اے میرے رب تو نے مجھ سے وعدہ فرمایا) کہا گیا یہ حدیث اللہ تعالیٰ کے اس ارشاد ”وَمَا كَانَ اسْتِغْفَارُ إِبْرَاهِيمَ لِأَبِيهِ إِلَّا عَنْ مَوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلَّهِ تَبَرَّأَ مِنْهُ“ (اور نہیں تھا حضرت ابراہیم علیہ السلام کا اپنے باپ کیلئے مغفرت طلب کرنا مگر اس وعدے کی وجہ سے جو کہ انہوں نے ان سے وعدہ کیا تھا، پس جب انکے لئے یہ بات ظاہر ہوگئی کہ وہ اللہ کے دشمن ہیں تو وہ ان سے برأت ظاہر کئے کہ یہ حدیث اس آیت کے مخالف ہے، اور اسکا یہ جواب دیا گیا کہ اس وقت کے بارے میں اختلاف ہے جس میں حضرت ابراہیم علیہ السلام اپنے باپ سے برأت کا اظہار کئے ہیں سے بری ہوگئے، پس کہا گیا کہ یہ دنیا میں ہوا ہے جب آذر مشرک مرگئے اور یہ بھی کہا گیا کہ آپ قیامت کے دن ان سے برأت کا اظہار کریں گے جس وقت ان کو مسخ کر دیا جائیگا اور جب آپ ان سے مایوس ہوجائیں گے اور ان دونوں اقوال کو بھی اس طرح جمع کرنا ممکن ہے کہ حضرت ابراہیم علیہ السلام ان سے برأت کا اظہار کئے جب وہ حالت شرک میں مرگئے تو اور انکے لئے استغفار کو چھوڑ دیئے، لیکن جب وہ انکو قیامت کے دن دیکھیں گے تو انکو رحمت و شفقت گھیر لے گی تو وہ اس وقت اللہ سے سوال کرینگے اور جب وہ انکو مسخ شدہ دیکھیں گے تو ان سے مایوس ہوجائینگے اور ہمیشہ ہمیشہ کیلئے برأت کا اظہار کریں گے اور یہ بھی ایک قول ہے کہ حضرت ابراہیم علیہ السلام، موت کفر پر واقع ہونے کا یقین نہیں کیا اس وجہ سے کہ ہوسکتا ہے وہ اپنے دل میں ایمان لائے ہوں اور آپ مطلع نہ ہوئے ہوں، اور ان سے برأت کا اظہار اس حالت کے بعد ہو جو اس حدیث میں واقع ہوئی ہے۔ (مرقات)۔ 1 قالت او ليس يقول الله (میں نے عرض کی کہ اللہ تعالیٰ نے یہ ارشاد نہیں فرمایا) تعارض کی وجہ یہ ہے کہ حدیث میں لفظ عام ہے، ہر اس شخص کو عذاب دیئے جانے کے بارے میں جس سے حساب لیا جائے اور آیت کا لفظ بتا رہا ہے کہ ان میں سے بعض کو عذاب نہیں دیا جائیگا، آیت اور حدیث میں تطبیق کا طریقہ یہ ہے کہ آیت میں حساب سے صرف پیش کرنا مراد ہے اور اس کے اعمال کو بتا دینا ہے، پس وہ اپنے گناہوں کا اقرار کرے گا، پھر اللہ تعالیٰ اپنے فضل کے اظہار کیلئے اسکو درگزر کر دیگا، جیسا کہ مناقشہ عدل کے ظہور کو واضح کرنے کیلئے ہے۔(مرقات)۔ 2 قوله انما ذاك العرض (وہ صرف پیشی ہے) مفہوم یہ ہے کہ اللہ تعالیٰ کے ارشاد میں جو حساب یسیر ہے اس سے مراد اسکے عمل کو پیش کرنا ہے اور اس سے جرح و قدح مراد نہیں۔(مرقات)۔ 3 قوله من نوقش فى الحساب (جس شخص سے حساب میں جرح و قدح کی جائے) اسکا خلاصہ یہ ہے کہ مناقشہ سے مراد پورا پورا حساب لینا اور لینا دینا چکانا، چھوٹے بڑے تھوڑے اور زیادہ سب گناہوں کو نظر انداز نہ کرنا، اور يهلك میں ہلاکت سے مراد عذاب ہے۔(ماخوذ از مرقات)۔ 1 قوله اللهم حاسبني حسابا يسيرا (اے اللہ تو مجھ سے آسان حساب لے)۔ یہ (دعا،) تو تعلیم امت کے لئے ہے اور انکو غفلت کی نیند سے بیدار کرنے کے لئے، یا اس سے حاصل ہونے والی نعمت سے لذت حاصل کرنا ہے، یا خشیت الٰہی کی وجہ سے ہے، جیسا کہ آپ کا مقام ارفع اسکا تقاضا کرتا ہے آپ کو رب العزت کی معرفت میں اس درجہ استغراق رہتا ہے کہ اپنے مقام نبوت اور مقام معصومیت کی طرف التفات نہیں فرماتے۔ (مرقات)۔ 2 ولو بشق تمرة (اگرچیکہ آدھے کھجور سے ہو) اسکے دو معنی ہیں (1) ایک یہ ہے کہ تم جہنم سے بچو اور کسی پر ظلم نہ کرو! اگرچیکہ وہ کھجور کے ایک حصہ کے برابر ہی کیوں نہ ہو۔ (2) دوسرے معنی یہ ہے کہ تم جہنم سے بچو اگرچیکہ کھجور کا ایک حصہ صدقہ دیکر ہی سہی۔ اور انہوں نے اس حدیث کو باب الصدقۃ صدقہ کے بیان میں بھی لایا ہے اور مقامات میں اسکو ذکر کر کے اس بات کا اشارہ کیا ہے کہ دونوں معنی مراد لے سکتے ہیں اور دوسرے معنی کو ترجیح ہے۔ (لمعات)۔ 1 قوله هذا فكاكك من النار (یہ جہنم سے تیرا چھٹکارہ ہے) قاضی رحمہ اللہ نے کہا: جب ہر مکلف کا جنت میں ایک ٹھکانہ ہے اور جہنم میں ایک ٹھکانہ ہے پس جو شخص کامل حفظ ایمان لائیگا تو اسکا جہنم کا ٹھکانہ جنت کے ٹھکانے سے بدل دیا جائیگا، اور جو ایمان لائے تو اسکے برعکس ہوگا، کفار جہنم کے ٹھکانوں میں مومنین کی جگہ لینے والوں اور ان کے نائب کی طرح ہیں و نیز جب قسم الٰہی واقع ہوچکی ہے جہنم کو بھرنے کے متعلق تو اس کا بھرنا کفار سے بھرنا مومنین کو خلاصی دلانے اور ان کو جہنم سے نجات کیلئے ہے۔ پس وہ کافر اس سلسلہ میں مومنین کیلئے فدیہ اور فکاک (چھٹکارہ) کی طرح ہیں، یہودیوں نصرانیوں کو خاص طور پر اسلئے ذکر کیا گیا کیونکہ وہ مسلمانوں کی مخالفت میں اور مسلمانوں کے رسول صلی اللہ علیہ وسلم کی تصدیق کرنے کی مخالفت میں مشہور ہیں۔ (اہ)۔ اور اسکو بھی فکاک (گروی چھڑانا) سے تعبیر کیا گیا اور کبھی فداء (فدیہ دینے) سے تعبیر کیا گیا یہ بطور مجاز اور وسعت معنی کے طور پر ہے؛ کیونکہ اس سے مسلمان کے گناہ کی وجہ سے کتابی (یہودی نصرانی) کو عذاب دینا مراد نہیں ہے؛ کیونکہ اللہ تعالیٰ کا اس کے بارے میں ارشاد ہے وَلَا تَزِرُ وَازِرَةٌ وِزْرَ أُخْرَىٰ (ایک نفس دوسرے نفس کے گناہ کا بوجھ نہیں اٹھائے گا) (مرقات)۔ 1 قوله مما اضحك (میں کس سبب سے ہنس رہا ہوں) اس میں اس بات کی طرف اشارہ ہے کہ عجیب و غریب معاملہ کے سوا کسی اور چیز پر ہنسنا مناسب نہیں۔(مرقات)۔ 1؎ قوله يوم القيامة (قیامت کے دن) اس قیامت کے دن کے ساتھ کیا اس لئے کہ اس بات پر اجماع ہے کہ اللہ تعالیٰ کو دنیا میں دیکھا نہیں جا سکتا، کیونکہ باقی رہنے والی ذات فنا ہونے والی آنکھ سے نظر نہیں آتی۔ (مرقات)۔ 2؎ قوله لا تضارون الخ (تم شک نہیں کرو گے) علامہ طیبی نے کہا: ان کا یہ قول: الا كما تضارون (مگر جیسا کہ تم شک کرتے ہو) ظاہر بات یہ تھی کہ یوں کہا جاتا ”تم اپنے رب کے دیدار میں شک نہیں کرو گے جیسا کہ تم ان دونوں میں سے کسی کے بھی دیکھنے میں شک نہیں کرتے، لیکن اس (بات) کو اس قول کی طرح ظاہر کیا گیا ہے: شعر، اور ان میں کوئی عیب نہیں ہے سوائے اس کے کہ انکے تلواروں میں دندانے ہیں فوجی دستوں کو مارنے کی وجہ سے یعنی تم اللہ تعالیٰ کے دیدار میں شک نہیں کرو گے مگر جیسا کہ تم لوگ شک کرتے ہو چاند سورج کو دیکھنے میں اور ان کے دیکھنے میں کوئی شک نہیں ہے، تو بلا شبہ تم لوگ اس میں شک نہیں کرو گے۔ (مرقات)۔ 1 قولہ ثلاث عرضات الخ (تین پیشیاں) عرضات کا لفظ ”ع“ ”ر“ دونوں کو فتحہ یعنی تین مرتبہ پیشی ہوگی ہے اب رہا پہلی مرتبہ لوگ اس میں اپنی جانب سے مدافعت کریں گے اور کہیں گے انبیاء علیہم السلام نے ہم کو نہیں پہنچایا اور اللہ تعالیٰ سے بحث کریں گے اور دوسری مرتبہ میں وہ لوگ اپنے گناہوں کا اعتراف کریں گے اور عذر پیش کریں گے اس طور پر کہ ہر شخص یوں کہے گا میں نے یہ کام بھولے سے غلطی سے نادانی سے اور امید کی بنیاد پر کیا ہے اور اس جیسے الفاظ اور آپ ﷺ کے اس قول: فاما عرضتان فجدال ومعاذير کا یہی مطلب ہے۔ (مرقات)۔ 1 قوله فاخذ بيمينه واخذ بشماله ((ان میں سے بعض اپنے دائیں ہاتھ میں (نامہ اعمال) لینے والے ہیں اور بعض اپنے بائیں ہاتھ میں لینے والے ہیں، (فاخذ میں) فا تفصیلیہ ہے یعنی پس ان میں سے بعض اپنے دائیں ہاتھ میں لینے والے ہیں اور وہ اہل سعادت میں سے ہیں اور ان میں سے بعض اپنے بائیں ہاتھ میں لینے والے ہیں اور وہ اہل شقاوت میں سے ہیں، پس اس وقت ان کے فیصلے پورے ہو جائیں گے ابتداء کے موافق اور اہل ضلالت یعنی گمراہ لوگ اہل ہدایت (ہدایت یافتہ حضرات) کی الگ الگ پہچان ہو جائے گی۔ (مرقات)۔ 1 قوله الذين كانت تتجافى الخ (وہ لوگ جن کے پہلو بستروں سے الگ رہتے ہیں) ان لوگوں سے کون مراد ہیں اس میں اختلاف ہے، بعض نے کہا: وہ تہجد گزار ہیں اور بعض نے کہا: وہ اوّابین کی نماز پڑھنے والے ہیں، اور یہ بھی احتمال ہے کہ ان سے وہ لوگ مراد ہیں جو عشاء اور فجر باجماعت پڑھتے ہیں۔ (مرقات، لمعات)۔ 2 قوله من يقوى على القيام (کون کھڑے رہنے کی طاقت رکھتا ہے) یعنی حساب و کتاب کیلئے اللہ عزوجل کے سامنے کھڑے رہنے کی کون طاقت رکھتا ہے اور ”الذى قال الله عزوجل“ یعنی اس دن کے بارے میں اس میں اسم موصول (الذى) یوم القیامۃ کی صفت ہے۔ (مرقات)۔ 1 قوله يخفف على المؤمن الخ (مؤمن پر ہلکا کر دیا جائے گا) تو اسکا مفہوم یہ ہے کہ وہ (دن) مؤمن پر آسان ہو جائے گا مقدار میں یا کیفیت میں یا ان دونوں میں بھی یہاں تک کہ وہ (دن) بعض کے لئے ایک گھڑی کی طرح ہوگا اور وہ لوگ ہیں جنہوں نے دنیا کو ایک گھڑی قرار دیا اور اس میں اللہ کی اطاعت کئے۔ (مرقات)۔ 2 قوله كان فضلا لك (وہ تیرے لئے فضل ہوگا) ظاہر یہ کہ اسکے لئے ان سے بدلہ لیا جائے گا کہ آپ نے آخری قسم میں فرمایا: انکے لئے تجھ سے ⟦?⟧ کا بدلہ لیا جائے گا، یہاں ان سے قصاص کا ذکر نہیں فرمایا کیونکہ حدیث کا سیاق خود اس کو بتا رہا ہے۔ (لمعات)۔ 1 قوله سيخلص (منتخب فرمایگا لام کی تشدید کے ساتھ ہے اسکے معنی یختار یہ یعنی منتخب فرمایگا۔-(مرقات)۔ 2 قوله احضر وزنك (تو اپنے وزن کے پاس حاضر ہو) اگر یہ کہا جائے کہ اعمال میں تو عرض ہیں انکو تولا ممکن نہیں اور صرف اجسام ہی تولے جاتے ہیں، تو اسکا جواب یہ دیا جائیگا کہ اس رجسٹر کو تولا جائیگا جس میں اعمال لکھے گئے ہیں اور وہ مختلف ہوتا ہے احوال کے مختلف ہونے سے یا یہ کہ اللہ تعالیٰ اعمال و اقوال کو جسم دے گا تو وہ تولے جائیں گے، پس طاعتیں بھاری ہو جائیں گی، برائیاں، ہلکی ہو جائیں گی، کیونکہ عبادت نفس پر بھاری تھی اور گناہ آسان تھے اسی وجہ سے حدیث میں وارد ہے، جنت کو مشقت کی چیزوں سے گھیر لیا گیا ہے اور دوزخ کو خواہشات سے گھیر لیا گیا ہے۔-(مرقات)۔ 1 قوله اما فى ثلاثة مواطن فلا يذكر احد احدا (البتہ تین مقامات میں کوئی شخص کسی کو یاد نہیں کرے گا) حضرت انس رضی اللہ عنہ کی حدیث آئیگی جو اس بات پر دلالت کررہی ہے کہ آپ ﷺ ان مقامات میں شفاعت فرمائیں گے کیوں نہ ہو آپ وہ محبوب ہیں جن سے شفاعت کی امید کی جاتی ہے آنے والی ہر مصیبت میں۔ ان دو حدیثوں میں تطبیق یہ ہے کہ آپ ﷺ نے حضرت عائشہ رضی اللہ عنہا سے بطور مبالغہ فرمایا تاکہ وہ اس بات پر بھروسہ کرکے نہ بیٹھ جائیں کہ وہ رسول اللہ ﷺ کے حرم مبارک ہیں، اور حضرت انس رضی اللہ عنہ سے آپ ﷺ نے شفاعت کی بات اسلئے فرمایا تاکہ وہ مایوس نہ ہوجائیں۔ (لمعات)۔ 2 قوله عند الميزان (میزان کے پاس) اہل حق نے کہا: میزان حق ہے اللہ تعالیٰ کا ارشاد ہے ”وَنَضَعُ الْمَوَازِينَ الْقِسْطَ لِيَوْمِ الْقِيَامَةِ“ (اور ہم قیامت کے دن انصاف کے ترازو رکھیں گے) قیامت کے دن ایک ترازو رکھا جائے گا جسکے ذریعہ ان نامہ اعمال کو تولا جائے گا جن میں بندوں کے اعمال لکھے ہوئے ہیں اور اس (ترازو) کے دو پلڑے ہوں گے ان میں سے ایک نیکیوں کا اور دوسرا گناہوں کا اور حسن سے روایت ہے اس (ترازو) کے دو پلڑے ہیں اور ایک زبان ہے، طیبی نے اسکا ذکر کیا ہے۔ (مرقات)۔ 3 قوله وعند الكتاب (اور نامہ اعمال کے پاس) یعنی اسکے دئیے جانے کے وقت۔ (مرقات)۔ 1 قوله وعند الصراط (اور پل صراط کے پاس) امام نووی رحمہ اللہ نے فرمایا: اہل حق کا مذہب یہ ہے کہ وہ (صراط) جہنم کی پشت پر ایک دراز پل ہے جس پر سے تمام لوگ گزریں گے مومنین اپنے اعمال و درجات کے مطابق نجات پائیں گے، اور دوسرے لوگ اس میں گر جائیں گے، اللہ تعالیٰ ہمکو (اس سے) عافیت عطا فرمائے اور ہمارے اصحاب متکلمین اور اسلاف کہتے ہیں کہ وہ (صراط) بال سے زیادہ باریک اور تلوار سے زیادہ تیز ہے اور اس طرح حضرت ابو سعید خدری رضی اللہ عنہ کی روایت میں آیا ہے۔ (مرقات)۔ 1 قولہ انا بنہر (اچانک میں ایک نہر کے پاس پہنچا) داؤدی نے کہا: اگر یہ یعنی حضور اکرم ﷺ کا فرمان ”انا بنہر“ الفاظ حدیث شریف سے ہے تو اس سے یہ معلوم ہوتا ہے کہ جس حوض سے چند لوگوں کو قیامت کے دن ہٹا دیا جائیگا یہ وہ نہر نہیں جو جنت میں ہے یا یہ ہوسکتا ہے کہ حضور صلی اللہ علیہ وسلم جنت میں تشریف فرما رہ کر انہیں دیکھینگے جبکہ وہ سب جنت کے باہر ہونگے پھر انہیں آواز دینگے تو انہیں اس سے ہٹا دیا جائیگا۔ بعض علماء نے اس وضاحت کو پسند نہیں کیا اور کہا کہ جو حوض جنت کے باہر ہے وہ جنت کے اندرونی نہر سے جاری رہتا ہے ایسی صورت میں اصلاً کوئی اشکال باقی نہیں رہتا۔ انتہی۔ میں کہتا ہوں بعض علماء نے جو کہا کہ وہ جنت سے جاری ہے اسکے لئے دلیل کی ضرورت ہے، اس سے بہتر یہ ہے کہ یوں کہا جائے حضرت نبی اکرم ﷺ کے دو حوض ہیں ایک جنت میں ہے اور دوسرا بروز قیامت ہوگا یہ علامہ عینی کا کہنا ہے۔ 1 قوله ماءه ابيض من اللبن (اس کا پانی دودھ سے زیادہ سفید ہوگا) امام نووی رحمۃ اللہ علیہ نے فرمایا: علماء نحو کہتے ہیں فعل تعجب اور اسم تفضیل رنگ اور عیوب کیلئے استعمال نہیں ہوتے بلکہ اس کے لئے اشد اور ابلغ جیسے الفاظ لائے جاتے ہیں اسی لئے ما ابيض زيدا ولا زيد ابيض من عمرو نہیں کہا جائیگا، مگر اس حدیث شریف سے معلوم ہوتا ہے کہ اس طرح کا استعمال درست اور یہ ان کے خلاف حجت ہے جو اس سے منع کرتے ہیں، یہ بھی ایک زبان کا قاعدہ ہے اگرچہ کم استعمال ہوتا ہے۔ (مرقات)۔ 2 قوله فلا يظمأ أبدا (پھر کبھی پیاسا نہیں ہوگا) ظمأ کے معنی پیاس کی شدت علامہ قاضی نے فرمایا: اس کا ظاہری مطلب یہ ہے کہ اس نہر سے پینا حساب و کتاب اور دوزخ سے نجات کے فیصلہ کے بعد ہوگا یہی وہ وقت ہے جس کے بعد پیاسا نہ ہوگا اور کہا گیا جس کے مقدر میں دوزخ سے نجات ہے، وہی اس سے پیئے گا اور اس میں یہ بھی احتمال ہے کہ اس امت میں سے ایسا شخص بھی پیئے گا جس کے مقدر میں دوزخ میں جانا ہے مگر اس کو پیاس کا عذاب نہیں ہوگا، کیونکہ ظاہر حدیث شریف میں ہے مرتد کے سوا تمام امت اس سے پیئے گی، یہ بھی کہا گیا ہے کہ یہ بات اس طرح کی ہے کہ تمام امت اپنا نامہ اعمال داہنے ہاتھ میں لے گی، پھر اللہ تعالیٰ جس کو چاہے عذاب دیگا اور ایک قول یہ ہے کہ صرف نجات پانے والے ہی داہنے ہاتھ میں نامہ اعمال لیں گے۔ (مجمع البحار)۔ 1 قوله ابعد من ايله من عدن (مقام ایلہ سے عدن تک کی مسافت سے بھی بڑا ہے) علامہ طیبی رحمۃ اللہ علیہ نے فرمایا: پہلا لفظ من ابعد کے متعلق ہے اور دوسرے من کا متعلق لفظ بعد مقدر ہے اس حدیث شریف میں اور آنے والی حدیث شریف یعنی ما بين عدن وعمان (عمان ع کے فتحہ اور میم کی تشدید کے ساتھ ملک شام میں ایک شہر کا نام ہے) اور حدیث شریف میں بين صنعاء والمدينة اور اس جیسی روایات کے درمیان تطبیق اس طرح ہے کہ یہ سب روایتیں تقریبی انداز کے طور پر ہیں نہ کہ حد بندی کیلئے اور سامعین کے الگ الگ معلومات کے مطابق ہیں، علامہ قاضی رحمہ اللہ نے فرمایا: حوض کی مقدار میں احادیث شریفہ میں جو اختلاف ہے وہ اس لئے ہے کہ حضور پاک صلی اللہ علیہ وسلم نے ہر ایک کے لئے بطور مثال اور بطور تخمینہ ایسی ہی مقدار بیان فرمائی ہے جس کو وہ جانتے تھے اور انہوں نے اسی کی روایت کیا۔(مرقات)۔ 2 قوله واحلى من العسل باللبن (اس شہد سے بھی شیریں جو دودھ کے ساتھ ملا لیا گیا ہو) یعنی دودھ میں ملا ہوا۔(مرقات)۔ 1 قوله نعم لكم سيما الخ (ہاں تمہاری ایک نشانی ہوگی) نشانی سے مراد مذکورہ، وہ وصف ہونا ظاہر ہے یہ دونوں اس امت کی خصوصیات سے ہیں اگرچہ وضو کے بارے میں اختلاف موجود ہے کل انبیاء کرام اور انکی امتوں کیلئے تھا یا نہیں اس امت کیلئے تو ضرور ہے بعض نے کہا: انبیاء کرام علیہم الصلوٰۃ والسلام کیلئے تو تھا انکی امت کیلئے نہیں اس میں امت مرحومہ کیلئے ایک عظیم فضیلت اور بڑا رتبہ ہے۔ (مرقات)۔ 2 قوله له احدهما من ذهب والاخر من ورق (ان میں سے ایک سونے کا اور دوسرا چاندی کا ہے) ان دو (دھاتوں) سے زرد اور سفید مختلف رنگوں سے زینت دینا مقصود ہے اس لئے نہیں کہ وہاں سونا کمیاب ہے، یہ قول دنیوی حکم پر قیاس کی بنیاد پر ہوگا۔ (مرقات)۔ 3 قوله الى عمان البلقاء (مقام بلقاء کے عمان تک) ع کے ضمہ اور میم کے تشدید کے ساتھ لفظ بلقاء (با کو فتحہ اور لام کو جزم اور ق کے بعد الف ممدودہ کے ساتھ) کا مضاف ہے۔۔۔ بقیہ حاشیہ اگلے صفحہ پر۔۔ ۔۔۔ باقی حاشیہ۔۔۔ زیادہ ظاہر یہ ہے کہ بلقاء ملک شام کا ایک شہر ہے اور عمان وہاں کا ایک موضع ہے اس سے قربت کی وجہ سے اضافت کی گئی جیسا کہ امام عسقلانی رحمہ اللہ نے فرمایا: معنی یہ ہے کہ آخرت میں میرے حوض کی کشادگی کی مقدار دنیا میں ان دو جگہوں کے درمیان کا فاصلہ ہے، پھر جان لو کہ حوض کی مسافت مقرر کرنے میں احادیث شریفہ مختلف ہونا جیسے حضرت انس رضی اللہ تعالیٰ عنہ کی مروی حدیث شریف ما بین ایلہ وصنعاء اور حضرت ابن عمر رضی اللہ عنہما کی مروی حدیث شریف کما بین جرباء واذرح اور ابن عمر رضی اللہ عنہما کی مروی حدیث شریف ومسيرة شهرين اور حارثہ بن وہب کی مروی حدیث شریف كما بين صنعاء والمدينة اور اس جیسی، اس بات پر مبنی ہیں کہ حوض کے زیادہ طول و عرض کی تصویر کشی مقصود ہے بعینہ اسکی مقدار متعین کرنا اور حصر کرنا مقصود نہیں اسی لئے ہر جگہ حدیث شریف سننے والے مقصد جاننے کے موافق آئی ہے اور یہ بات بعید نہیں کہ دیکھنے والوں کے خیال اور پینے والوں کی جگہ اور انکے سینوں کی کشادگی و عمدہ نظر مختلف ہونے کے سبب اختلاف پایا جائے جیسے قبر کی وسعت، جنت کے منازل ساکنین کی نسبت مختلف ہونا ہے۔ والله تعالىٰ اعلم (مرقات)۔ 1 قوله ما احدثوا بعدك (وہ آپ کے بعد کیا نئے نئے کام کئے) یعنی بے دین ہوجانا؛ کیونکہ تمام گناہ مومن کو حوض پر آنے اور اسکا پانی پینے سے نہیں روکتے۔ (مرقات)۔ 1 قوله ما انتم جزء من مائة الف جزء الخ (تم ایک لاکھواں حصہ بھی نہیں ہو) آنحضور صلی اللہ علیہ وسلم پر ایمان لانے والوں اور جن و انس میں سے آپ کی تصدیق کرنے والوں کی کثرت مراد لیتے ہیں۔ (مرقات)۔ 2 قوله وانى لا ارجو ان اكون اكثرهم واردة (میں یقیناً امید رکھتا ہوں کہ جن کے پاس سب سے زیادہ آنے والے ہیں وہ میں ہوں گا) شاید اظہار امید یہ بتادئے جانے سے پہلے ہے کہ حضور صلی اللہ علیہ وسلم کی امت جنت میں اسی (80) صف اور باقی امتیں چالیس صف ہونگیں جیسا کہ گزر چکا۔ (مرقات)۔ 1 قوله له اكله من الشجرة (جو درخت کھائے تھے) نصب کے ساتھ لفظ خطيئة سے بدل ہے یعنی درخت سے اپنے کھانے کو یاد کریں گے، یہ قاضی بیضاوی رحمۃ اللہ علیہ نے ذکر کیا، علامہ طیبی رحمۃ اللہ علیہ نے فرمایا: بضم ضمیر محذوف کا بیان ہونا بھی درست ہے جیسے اللہ تعالیٰ کا ارشاد ہے: فَسَوّٰهُنَّ سَبْعَ سَمٰوٰتٍ ۔ (2۔ البقرة، آیت:29)(مرقات)۔(مرقات)۔ 2 قوله اول نبي بعثه الله الخ (پہلے ہی جن کو اللہ تعالیٰ نے بھیجا) اس اولیت میں اشکال پیدا کیا گیا کہ حضرت آدم علیہ السلام نبی مرسل ہیں اسی طرح حضرت شیث وحضرت ادریس اور دیگر انبیاء کرام علیہم السلام بھی۔ جواب دیا گیا کہ حضرت نوح علیہ السلام نبی مبعوث یعنی رسول ہیں اور آپ سے پہلے انبیاء کرام رسول نہیں تھے، جیسے حضرت آدم وحضرت ادریس علیہما السلام مؤرخین کے بیان کے مطابق آپ (ادریس علیہ السلام) حضرت نوح علیہ السلام کے نبی ہیں اسی لئے حضرت نوح علیہ السلام کے بعد ہوں گے، پس حضرت ادریس علیہ السلام نبی مرسل ہونے کے باوجود حضرت نوح علیہ السلام نبی مبعوث ہونا صحیح ہے، البتہ حضرت آدم وشیث علیہما السلام وہ ذوات اگرچہ رسول ہیں مگر حضرت آدم علیہ السلام اپنی اولاد کی طرف بھیجے گئے جو کافر نہیں تھے بلکہ آپ انہیں ایمان اور اللہ تعالیٰ کی فرمانبرداری کی تعلیم دینے پر مامور تھے اور حضرت شیث علیہ السلام آپ کے بعد ان میں آپ کے خلیفہ تھے کہ حضرت آدم وادریس علیہما السلام رسول نہیں تھے، اور کہا گیا اول نبي بعثه الله یعنی اولوالعزم انبیاء میں اس قول پر کوئی اشکال نہیں۔(مرقات)۔ 3 قوله ثلاث كذبات كذبهن (توریہ والی تین باتوں کو)۔۔۔ بقیہ حاشیہ اگلے صفحہ پر۔۔۔ ۔۔۔باقی حاشیہ۔۔۔ بغیر تشدید یعنی بطور توریہ ⟦?⟧ ادا کیا حضرت بیضاوی رحمہ اللہ نے فرمایا: حضرت ابراہیم علیہ السلام کی طرف منسوب توریہ والے کلام میں ایک یہ ہے آپ کا قول: ”إِنِّي سَقِيمٌ“ دوسرا ”بَلْ فَعَلَهُ كَبِيرُهُمْ هٰذَا“ اور تیسرا آپ کا حضرت سارہ سے فرمانا: ”هِيَ أُخْتِي“ حقیقت یہ ہے کہ مبہم کلام ہے لیکن اسکا ظاہر کذب کا ہم شکل ہے اس لئے انکا نام اکاذیب رکھا؛ کیونکہ جسکو زیادہ اللہ تعالیٰ کا عرفان ہو اور باعتبار منزلہ وہ اس سے زیادہ قریب ہو تو زیادہ آزمائش اور سخت خشیت میں ہوگا، انبیاء کرام کی طرف منسوب تمام خطاؤں کا اسی پر قیاس ہے۔ ابن ملک۔ اکامل کبھی ان امور کا بھی مواخذہ ہوتا ہے جو غیر کے حق میں عبارت ہو جیسا کہ کہا جاتا ہے نیک لوگوں کے اچھے اعمال مقربین بارگاہ کیلئے سیئات کے درجہ میں ہیں۔ 1 قوله فياتون عيسى فيقول لست هناكم الخ (وہ حضرت عیسیٰ علیہ السلام کے پاس آئیں گے آپ فرمائیں گے میں اس درجہ میں نہیں ہوں) آپ کا بلا ارادہ عمل مذکورہ نہ ہونے کے باوجود آپ نے یہ فرمایا شاید آپ کے حق میں نصاریٰ کے اس افتراء سے حیاء کرتے ہوئے کہ آپ ابن اللہ ہیں اور اس جیسی (ابن الملک شرح المشارق میں)۔ 2 قوله غفر له ما تقدم من ذنبه وما تأخر (جنکو اللہ نے اگلے پچھلے ہر زمانہ میں خطا سے معصوم رکھا) یعنی مقام شفاعت عظمیٰ سے آپ کو کوئی روکنے والا نہیں، امام نووی رحمہ اللہ نے فرمایا: یہ ان الفاظ سے ہے جنکے معنی میں علماء نے اختلاف کیا ہے، حضرت قاضی نے فرمایا: کہا گیا۔۔۔ بقیہ حاشیہ اگلے صفحہ پر۔۔۔ ۔۔ باقی حاشیہ ۔۔ مقدم یعنی جو قبل نبوت ہوا اور متاخر یعنی اعلان نبوت کے بعد آپ کی عصمت ہے، اور کہا گیا: حضور پاک صلی اللہ علیہ وسلم سے جو اعمال بلا ارادہ صادر ہوئے وہ مراد ہیں، طبری نے اسکو ذکر کیا اور امام قشیری رحمہ اللہ نے اسکو اختیار کیا اور کہا گیا: آنحضور صلی اللہ علیہ وسلم کے والد حضرت آدم کے جو گزر گئے اور جو آپ کی امت کے آئندہ ہونے والی خطائیں اور کہا گیا: مراد یہ ہے کہ آپ صلی اللہ علیہ وسلم معصوم ہیں اگر آپکا ذنب ہوتا تو بھی مواخذہ نہیں ہوتا اور کہا گیا اس میں بتانا ہے کہ آپ گناہوں سے پاک ہیں فتح الباری میں ہے میں کہتا ہوں اس مقام پر چوتھا قول لائق ہے تبصرہ اقوال یہاں نہیں آتا۔ 1 قوله فيأتوني (وہ میری خدمت میں حاضر ہوں گے) حضرت شیخ محی الدین بن رحمہ اللہ نے فرمایا: پہلے حضرت آدم اور آپ کے بعد انبیاء کرام صلوات اللہ وسلامہ علیہم سے پوچھنے کا ان پر اللہ تعالیٰ الہام کرنے میں اور ہمارے نبی صلی اللہ علیہ وسلم سے عرض کرنے کا الہام نہ کئے جانے میں حکمت ہمارے نبی صلی اللہ علیہ وسلم کا اظہار فضیلت ہے کیونکہ اگر وہ پہلے حضور اکرم صلی اللہ علیہ وسلم سے عرض کرتے تو احتمال رہتا کہ دوسرے اس بات پر قدرت رکھتے ہیں اب رہا جب انہوں نے اللہ تعالیٰ کے دیگر رسل اور اصفیاء سے پوچھا تو وہ سب رک گئے اور حضور اکرم صلی اللہ علیہ وسلم نے جواب مرحمت فرمایا اور ان کا مقصود حاصل ہوا تو یہ اعلیٰ منزلت اور کمال قرب کی انتہاء ہے اور اس میں تمام مخلوق چاہے رسل ہوں یا عام آدمی، مقرب فرشتے سب پر آپ کی فضیلت بتانا ہے کہ یہ عظیم الشان مرتبہ ہی شفاعت عظمیٰ ہے حضور اکرم صلی اللہ علیہ وسلم کے سوا کوئی آگے بڑھنے کی قدرت نہیں رکھتا، صلوات اللہ وسلامہ علیہ وعلیہم اجمعین۔ (مرقات) 2 قوله فأستأذن على ربي في داره (تو میں اپنے رب سے اسکے دربار میں حاضر ہونے کی اجازت چاہوں گا) یعنی میرے رب کے حرم خاص میں داخل کی اضافت جگہ کو شرف بخشنے کیلئے ہے اس سے وہ مقام خاص مراد ہے جس میں آنحضور صلی اللہ علیہ وسلم کے سوا کوئی داخل نہیں ہوسکتا اس جگہ حجابات اٹھا دیئے جائیں گے ایک قول کے مطابق یہ جگہ عرش معلیٰ کے نیچے ہے۔ (مرقات)۔ 3 قوله فيؤذن لي عليه (مجھے حاضری کی اجازت ملے گی) (حضور پاک صلی اللہ علیہ وسلم کا گزارش کیلئے پروردگار کے حرم خاص میں اپنی جائے مقدس سے آنا اسلئے ہے کہ پیشی ۔۔۔ بقیہ حاشیہ اگلے صفحہ پر۔۔۔ ۔۔۔ باقی حاشیہ ۔۔۔ اور حساب کا مقام شہنشاہت کی جگہ ہے اور شفیع کا حق ہے کہ مقام کرامت و بزرگی پر فائز ہوں تو شفاعت اپنی جگہ آئے گی اسی لئے حضور پاک صلی اللہ علیہ وسلم کو قیامت میں مقام خوف سے نکل کر مقام شفاعت و کرامت کی جگہ تشریف لے جانے کا اشارہ ملا یہ ایسا ہی ہے جیسے کوئی خدمت کے وقت گزارش رکھتا ہے تا کہ قبولیت کا زیادہ حق رکھے۔ (مرقات)۔ 1؎ ۞ قوله فاخرجهم من النار (میں انہیں دوزخ سے نکال لوں گا) اشکال پیدا کیا گیا کہ حدیث شریف کے ابتداء میں موقف سے چھٹکارا دینے کیلئے سفارش چاہنا ہے اور آخر میں انہیں دوزخ سے نکالنے کیلئے اس کی توجیہ میں یہ کہا جاتا ہے کہ شاید مومنین کی دو جماعتیں ہوں گی ایک کو (حساب کیلئے) ٹھہرے بغیر دوزخ کی طرف لے جایا جائے گا اور ایک فریق کو محشر میں روک دیا جائے گا، پس پہلے انکی شفاعت کا ذکر فرمایا ہے پھر دوسروں کی شفاعت بیان فرمائے اور ابتداء کتاب میں جیسا کہ ہم نے بتایا شفاعت کی چند اقسام ہیں ان میں سے دو قسمیں بتائی گئیں اور دوسری اقسام چھوڑی گئیں اسی لئے کلام میں اختصار ہے۔ یہ کہا جانا بھی ممکن ہے کہ انہیں اس آگ سے نکالنا مراد ہے جس میں داخلے کے وہ مستحق تھے؛ کیونکہ گنہگاروں کے معاملہ کی انتہاء انکا دوزخ میں جانا ہے پہلے ہی مرحلہ میں حضور پاک علیہ الصلوٰۃ والسلام نے اس مصیبت کو ان سے دور فرما دیا تو وہ داخل نہ ہوئے گو دوزخ سے نکالنے کا یہی مطلب ہے داخل ہونے کے بعد بالفعل نکالنا مراد نہیں یہ اس قول کی طرح جب کوئی ایسا کام کرے جو ہلاکت میں پڑنے سے روکے تو کہا جاتا ہے اس نے ہلاکت سے بچا لیا، اب رہا یہ کہنا کہ نار سے سورج کی روشنی کی تپش مراد ہے اور نکالنے سے مراد اس سے چھٹکارا دلانا ہے یہ بعید ہے۔ (لمعات)۔ 1 قوله ذاك يوم (وہ دن ہے) اگر کہا جائے سوال و جواب کے درمیان مطابقت کا کیا طریقہ ہے جواب دیا گیا جواب پر رہنمائی کرنے والا حضور اکرم صلی اللہ علیہ وسلم کا یہ فرمان ہے ”ثم أقوم عن يمين الله“ کہ حضور اکرم صلی اللہ علیہ وسلم نے اول وقت جس میں مقام محمود کا مرحلہ ہوگا اور اس میں پیش آنے والی ہولناکیوں کو بیان فرمایا کہ دلوں میں بڑی عظمت بیٹھ جائے، پھر اپنے اس --- بقیہ حاشیہ اگلے صفحہ پر --- ۔۔۔باقی حاشیہ۔۔۔ فرمان ”ثم اقوم عن يمين“ اللہ سے جواب کی طرف اشارہ فرمایا جواب کا حاصل یہ ہے کہ مقام محمود وہ مقام ہے جس میں روز محشر میں اللہ تعالیٰ کے داہنے جانب رہوں گا۔ (مرقات)۔ 1 قوله فيكون اول من يكسى ابراهيم (جنہیں لباس پہنایا جائے گا وہ حضرت ابراہیم علیہ السلام ہیں) قریب ہی اس کے بارے میں بحث گزر گئی۔ 1 قوله يا رب امتي امتي (اے رب میری امت میری امت) سابقہ حدیث شریف کے ظاہر سے معلوم ہوتا ہے کہ مذکورہ قضیہ تمام انسانوں میں ہے اور یہ (حدیث شریف) اس امت کی تخصیص بتاتی ہے یا تو یہ دو قضیے ہیں یا ابتدا امت سے ہوگی اور انتہا سب پر اللہ اعلم۔ (لمعات)۔ 2 قوله مثقال شعيرة من ايمان (جو کے دانہ کے وزن ایمان ہوگا) یعنی اصل ایمان کی تاویل میں علماء نے جو اختلاف کیا ویسا ہی اس کلام کی تاویل میں اختلاف کیا، صحیح تاویل یہ ہے کہ جو، ذرہ، دانہ، رائی کا دانہ انکے مقدار بتائے گئے حکم سے اس شئی کے سوا مراد لی جائے جو حقیقت ایمان ہے جیسے نیک اعمال اور وہ قلب میں ایمان کے ثمرات، ایقان کے اثر، عرفان کی چمک ہے؛ کیونکہ حقیقت ایمان جو خاص تصدیق قلبی ہے اسی طرح زبان پر جاری اقرار ہے اس (حقیقت) میں محققین کے مذہب کے مطابق اجزاء بننا اور متفرق ہونا نہیں آتا، انکے علاوہ دوسروں نے جو کہا اسکو اختلاف لفظی اور نزاع صوری پر محمول کرتے ہیں، ان الفاظ کے بعد حضرت ابوسعید خدری رضی اللہ عنہ کی مروی حدیث شریف اس توجیہ کی موید ہے، یعنی آپکا یہ فرمان کہ ارحم الراحمین کے سوا کوئی باقی نہ رہیگا دوزخ سے ایک قبضہ لے گا تو ایسی قوم کو نکالے گا جو کبھی نیک عمل نہیں کئے تھے۔ (مرقات)۔ 1 قوله لا خر جن منها من قال ”لَا إِلٰهَ إِلَّا اللّٰهُ“، (میں ضرور بہ ضرور اس سے ”لَا إِلٰهَ إِلَّا اللّٰهُ“ کہنے والے کو نکالوں گا) قاضی رحمہ اللہ نے کہا یہ آپکے لئے نہیں ہے میرے نام کی تعظیم اور میری توحید کی تکریم کیلئے یہ میں کرونگا اور یہ حضرت ابو ہریرہ رضی اللہ عنہ کی مروی حدیث اسعد الناس بشفاعتی میں حضور پاک صلی اللہ علیہ وسلم کے فرمان کے عموم کی تخصیص، اور اپنے عموم پر جاری رہنے کا احتمال ہے، یہ کسی حالت یا کسی دوسرے مقام پر محمول کیا جائیگا، علامہ طیبی رحمۃ اللہ علیہ نے فرمایا: جب ہم اسکی تفسیر جو اللہ تعالیٰ سے مختص ہے ثمرہ سے خالی تصدیق سے کریں اور ذکر کریں کہ جسکے ساتھ سیدنا رسول اللہ صلی اللہ علیہ وسلم مختص ہیں وہ ازدیاد یقین وعمل کے ثمرہ کے ساتھ ایمان ہے تو کوئی اختلاف نہیں اور ہمارے محققین علماء میں سے ایک شارح نے فرمایا: ”لَا إِلٰهَ إِلَّا اللّٰهُ“ پڑھنے والے کو دوزخ سے نکالنا آپکے لئے نہیں میں لفظ لک الیک کے معنی میں ہے یعنی آپکے سپرد نہیں اگر چہ ان میں آپکا شفاعت کا اعلیٰ مقام ہے یا ہم آپکی وجہ سے وہ کام کرنے والے نہیں بلکہ کرم اور احسان کے طور پر وہ کام کرنے کا ہم زیادہ حق رکھتے ہیں، پھر اس حدیث شریف کی وضاحت کی کہ جو بالکل اچھا عمل نہ کیا ہو اسکو دوزخ سے نکالنے کا حکم شفاعت کی تعریف سے خارج ہے بلکہ وہ خالص کرم کی طرف منسوب اور اسکے حوالے ہے۔ ۔۔۔ بقیہ حاشیہ اگلے صفحہ پر۔۔۔ --باقی حاشیہ-- اور حضرت ابوہریرہ رضی اللہ عنہ کی مروی حدیث شریف اسعد الناس اور اس حدیث شریف کے درمیان تطبیق اگر پہلے معنی کے مطابق ہو تو ظاہر ہے کہ اللہ تعالیٰ نے انہیں حضور اکرم صلی اللہ علیہ وسلم کی شفاعت کے سبب نکالا اور دوسرے معنی کے مطابق یہ ہے کہ حدیث اول میں من قال ”لا إله إلا الله“ کی مراد وہ امتیں ہیں جو اپنے انبیاء پر ایمان لائے مگر دوزخ کے مستحق ہوئے اور حضور اکرم صلی اللہ علیہ وسلم کی امت میں سے وہ لوگ جو ایک عمل کو اچھے سے اور دوسرے کو برے سے ملا دیا۔(مرقات)۔ 1 ۞ قوله كنت خليلا من وراء وراء (میں تو دور دور سے خلیل ہوں) اسکا مفہوم یہ ہے کہ مجھکو یہ مقام بواسطہ جبریل ملا، میں موسیٰ علیہ السلام کے پیچھے ہوں جنہیں بلاواسطہ کلام حق سننے کا شرف ملا اور آپ حضرت محمد صلی اللہ علیہ وسلم کے پیچھے ہیں جنہیں بلاواسطہ کلام حق سننے اور رویت باری کا شرف ملا میں پیچھے پیچھے ہوں۔(لمعات)۔ 2 ۞ قوله فيقومان جنبتي الصراط الخ (پل صراط کے دونوں جانب کھڑے ہوں گے) حدیث شریف میں انکا حق ادا کرنے میں توجہ اور انکا اہتمام کرنے پر ابھارنا ہے۔(مرقات)۔ 1 قوله: يَوْمَ يَقُومُ النَّاسُ لِرَبِّ الْعَالَمِينَ (جس دن لوگ رب العالمین کے حضور کھڑے ہوں گے) آپکے فرمان يوم القيامة کا بدل ہے۔ (مرقات)۔ 1 قوله فاتى تحت العرش (میں عرش کے نیچے آؤں گا)۔ حضرت انس رضی اللہ عنہ کی حدیث شریف على ربى فى داره اور اس حدیث شریف میں بطریق جمع یہ کہا جائے کہ اللہ کا دار جنت ہے اور جنت عرش کے نیچے ہے۔(مرقات)۔ 2 قوله فى ابراهيم (ابراہیم کے بارے) یعنی سورۂ ابراہیم میں یا آپ سے متعلق حکایت بیان کرتے ہوئے۔(مرقات)۔ 3 قوله قال عيسى (عیسیٰ علیہ السلام نے کہا) امام نووی رحمہ اللہ نے --- بقیہ حاشیہ اگلے صفحہ پر--- --باقی حاشیہ--- فرمایا: یہ مصدر ہے جیسے کہا جاتا ہے قال قولاً وقالاً وقیلاً۔ قال عیسیٰ میں لفظ مصدر ہے اور مضاف الیہ ہے جیسے کہا جاتا ہے قال قولا وقالا وقیلا اور اسکو تلا کے مفعول پر عطف کیا گیا ہے یعنی تلا قول اللہ وقول عیسیٰ کے قول اور عیسیٰ علیہ السلام کے قول کی تلاوت فرمائی، فعل کے مفعول پر عطف کرتے ہوئے لفظ عیسیٰ کا مضاف بنایا گیا یعنی تلا قول اللہ وقول عیسیٰ۔ (مرقات)۔ 1 قولہ سنرضیک فی امتک (ہم آپکی امت کے بارے میں آپ کو راضی کریں گے) بعض علماء نے فرمایا: سیدنا محمد ﷺ راضی نہ ہوں گے جب تک آپکی امت سے ایک بھی دوزخ میں ہو۔ (مرقات)۔ 2 قولہ رواہ مسلم (جس کو مسلم نے روایت کی) امام نووی رحمہ اللہ نے فرمایا: یہ حدیث شریف چند متنوع فوائد پر مشتمل ہے (1) حضور اکرم ﷺ کی امت پر کمال مہربانی اور انکی ضروریات پر توجہ اور انکے معاملہ میں اہتمام کا بیان (2) اللہ تعالیٰ نے اپنے اس فرمان سنرضيك في امتك ولا نسوئك (آپکی امت کے حق میں آپکو عنقریب راضی کریں گے اور آپکو تکلیف نہ دیں گے) سے جو وعدہ فرمایا ہے اسکی اس امت کیلئے عظیم خوشخبری ہے اور یہ اس امت کیلئے انتہائی پر امید احادیث سے ہے (3) اللہ تعالیٰ کے پاس حضرت نبی اکرم ﷺ کے مقام کی بلندی کا بیان اور حضرت جبرئیل علیہ السلام کو آنحضور ﷺ سے سوال کیلئے بھیجنے میں حکمت آپکی قدر و منزلت کا اظہار ہے اور یہ بتانا ہے کہ آپ اس بلند و بالا مرتبہ پر فائز ہیں کہ آپکو راضی کیا جاتا اور اکرام کیا جاتا ہے۔ (مرقات)۔ 1 قوله اسعد الناس الخ (تمام لوگوں میں سب سے زیادہ خوش نصیب) یہاں پر لفظ ”اسعد“ کے معنی میں ہے اور یہ بھی کہا گیا کہ وہ اپنے معنی اسم تفضیل کے معنی میں ہے، بلا شبہ ہر ایک کو آپ صلی اللہ علیہ وسلم کی شفاعت کی سعادت نصیب ہوگی لیکن مخلص مومن اس سے سب سے زیادہ خوش نصیب ہوگا کہ آپ صلی اللہ علیہ وسلم (بلا لحاظ مومن و کافر) تمام مخلوق کو محشر میں کھڑے رہنے کی ہولناکی سے راحت عطا کرنے کے لئے شفاعت فرمائیں گے نیز ابوطالب جیسے بعض کافرین کے حق میں تخفیف عذاب کے لئے شفاعت فرمائیں گے۔ (مرقات)۔ 2 قوله شفاعتى لاهل الكبائر (میری شفاعت کبیرہ گناہ والوں کے لئے ہوگی) اگر شفاعت سے نافرمانیوں اور برائیوں کی بخشش کے لئے شفاعت مراد ہو تو اس صورت میں ”لاهل الكبائر“ میں لام کو اختصاص یعنی صرف اہل کبائر کے لئے شفاعت کے خاص ہونے پر محمول کرنے میں کوئی تعجب نہیں، اس لئے کہ صغیرہ گناہ والوں کی نیکیوں اور ان کی دنیوی مصائب اور میدان حشر میں۔۔۔ بقیہ حاشیہ اگلے صفحہ پر۔۔۔ --باقی حاشیہ---ان کا تکالیف کو سہنے کے سبب ان کو چھوٹے گناہ بخش دیئے جائیں گے، پس انکو شفاعت کی ضرورت لاحق نہیں ہوگی۔ اور اگر شفاعت سے عمومی معنی مراد لئے جائیں جیسے گناہوں کو معاف کرنا اور درجات کو بلند کرنا تو اسوقت معنی یہ ہوں گے کہ شفاعت کبیرہ گناہ والوں کے لئے بھی ہوگی جس طرح صغیرہ گناہ والوں کے لئے ہوگی۔ (کوکب الدری) مرقات میں ہے طیبی رحمۃ اللہ علیہ نے فرمایا: ”شفاعتی“ (میری شفاعت) سے مراد میری وہ شفاعت ہے جو بلاک ہو نے والوں کو نجات عطا کرنے والی ہے اور وہ اہل کبائر کے ساتھ خاص ہے۔ نووی کی شرح مسلم میں ہے، قاضی عیاض رحمۃ اللہ علیہ نے فرمایا: اہلسنت و جماعت کے پاس عقلی طور پر شفاعت جائز ہے اور نقلاً شفاعت کا وجوب ہے؛ کیونکہ اللہ تعالیٰ کا صریح ارشاد ہے: اس دن شفاعت کام نہیں آئیگی سوائے اس شخص کو جسکے لئے رحمن نے اجازت دی ہو اور اس کے کہنے کے لئے وہ راضی ہوا ہو۔ آخرت میں شفاعت کے صحیح ہونے سے متعلق احادیث وارد ہوئی ہیں جنکی مجموعی تعداد حد تواتر کو پہنچتی ہے۔ تمام سلف صالحین اور تمام اہلسنت و جماعت کا شفاعت کے مسئلہ پر اجماع ہے البتہ خوارج اور بعض معتزلہ اس کے منکر ہیں، ان کا مذہب یہ ہے کہ گنہگاروں کو جہنم میں ہمیشہ رکھا جائیگا؛ کیونکہ اللہ تعالیٰ کا ارشاد ہے: پس انکو شفاعت کروانے والوں کی شفاعت نفع نہیں دیگی نیز اللہ سبحانہ وتعالیٰ کا ارشاد ہے: ظالمین کے لئے نہ کوئی دوست ہوگا اور نہ کوئی شفاعت کرنے والا ہوگا جسکی بات سنی جائیگی۔ ان کا جواب دیا گیا کہ یہ دونوں آیتیں کفار کے بارے میں نازل ہوئی ہیں اور اس میں ظلم سے مراد شرک ہے، اب رہا ان کا شفاعت کی احادیث کو تاویل کرنا کہ وہ درجات میں اضافہ کے لئے ہوگی تو یہ باطل ہے۔ اس کتاب میں اور دیگر کتابوں میں احادیث کے الفاظ ان کے مذہب کے باطل ہونے اور جن پر جہنم واجب ہوگئی ہے انکو جہنم سے نکالنے میں صریح ہیں۔ میں کہتا ہوں: انہی میں سے یہ حدیث بھی ہے، جس میں کبیرہ گناہ والوں کے لئے جوان کے زعم میں دوزخ میں ہمیشہ رہنے والے ہیں جنت میں درجات کے اضافہ کے کوئی معنی نہیں۔ انہوں نے کہا شفاعت کی پانچ قسمیں ہیں؛