Hadith 1645

ابی بن کعب رضی اللہ عنہ سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم وتر (کے تین رکعت ایک تکبیر تحریمہ سے پڑھتے تھے) اس کی پہلی رکعت میں ”سَبِّحِ اسْمَ رَبِّكَ الْأَعْلَىٰ“ الخ اور دوسری رکعت میں ”قُلْ يَا أَيُّهَا الْكَافِرُونَ“ الخ اور تیسری رکعت میں ”قُلْ هُوَ اللَّهُ أَحَدٌ“ الخ پڑھا کرتے تھے (دوسری رکعت میں قعدہ کے بعد بغیر سلام کے تیسری رکعت کے لئے اٹھ جاتے تھے) اور سلام صرف ان تینوں رکعتوں کے آخر میں پھیرتے تھے۔ (اس لحاظ سے آپ کی وتر تین رکعت ایک تکبیر تحریمہ اور ایک سلام سے ہوتی تھی) اور وتر کا سلام پھیرنے کے بعد ”سُبْحَانَ الْمَلِكِ الْقُدُّوسِ“ تین مرتبہ فرمایا کرتے تھے۔ (اس کی روایت نسائی نے کی ہے۔)