Hadith 2295

ابو رافع رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے بنی مخزوم کے ایک شخص کو زکات وصول کرنے کے لئے روانہ فرمایا تو انہوں نے ابو رافع سے (جو حضور صلی اللہ علیہ وآلہ وسلم کے آزاد کردہ غلام تھے) کہا: تم بھی میرے ساتھ چلو تمہیں بھی اس میں سے کچھ مل جائے گا تو ابو رافع رضی اللہ عنہ نے فرمایا: نہیں (میں تمہارے ساتھ نہیں چل سکتا) تاوقتیکہ میں رسول اللہ صلی اللہ علیہ وآلہ وسلم کی خدمت مبارک میں حاضر ہو کر اجازت نہ حاصل کرلوں۔ چنانچہ وہ نبی کریم صلی اللہ علیہ وآلہ وسلم کی خدمت میں حاضر ہو کر اس مسئلہ کو دریافت کئے تو حضور صلی اللہ علیہ وآلہ وسلم ارشاد فرمائے: ہمارے لئے صدقہ حلال نہیں (اس لئے کہ ہم بنی ہاشم ہیں) اور قوم کے غلام اسی قوم میں (شمار) ہوتے ہیں (یعنی غلام بھی اپنے آقا کی قوم میں شمار کئے جاتے ہیں اس لئے تم پر بھی صدقہ حلال نہیں)۔ اس حدیث کی روایت ترمذی، ابوداؤد اور نسائی نے کی ہے۔