Hadith 2889

حضرت ابن عمر رضی اللہ عنہما سے روایت ہے وہ فرماتے ہیں کہ رسول اللہ صلی اللہ علیہ وآلہ وسلم جب سفر پر تشریف لے جاتے اور رات آ جاتی تو یہ دعاء پڑھتے: اے زمین! میرا رب اور تیرا رب اللہ ہے۔ میں اللہ تعالیٰ کی پناہ لیتا ہوں تیرے شر (جیسے زلزلہ) سے اور اس چیز کے شر سے جو تجھ میں ہے (جیسے خسف) سے اور اس چیز کے شر سے جو تجھ میں پیدا کئے گئے اور ان چیزوں کے شر سے جو تجھ پر چلتے ہیں۔ اور میں اللہ تعالیٰ کی پناہ لیتا ہوں شیر سے، سیاہ سانپ سے اور دوسرے سانپوں اور بچھوؤں سے اور شہروں میں رہنے والوں کے شر سے اور اس کی ذُرِّیّت کے شر سے۔ اس کی روایت ابوداؤد نے کی ہے۔