اردو
Urdu OCR, pending reviewNoor 446
ابوسلمہ رضی اللہ عنہ نے زید بن خالد جہنی رضی اللہ عنہ سے روایت کی، انہوں نے
کہا کہ میں نے آنحضرت صلی اللہ علیہ وسلم کو یہ فرماتے ہوئے سنا کہ اگر مجھے اپنی امت کی تکلیف کا
خوف نہ ہوتا تو ہر نماز کے وقت مسواک کرنے کا حکم دے دیتا اور نماز عشاء کو تہائی رات تک تاخیر
کرنے کا حکم دیتا، راوی کا بیان ہے کہ جب زید بن خالد جہنی رضی اللہ عنہ مسجد میں نماز کے لئے آیا
کرتے تو ان کے کان میں کاتب کے کان کی طرح بجائے قلم کے مسواک رہتی اور نماز کے لئے
کھڑے ہوتے ہی مسواک کر لیتے پھر مسواک کو اس کی جگہ کان پر رکھ دیتے۔ (اس کی روایت ترمذی
اور ابوداؤد نے کی ہے) لیکن ابوداؤد نے ”وَلَأَخَّرْتُ صَلَاةَ الْعِشَاءِ إِلَى ثُلُثِ اللَّيْلِ“ کا ذکر
نہیں کیا ہے اور ترمذی نے کہا کہ یہ حدیث حسن صحیح ہے۔
Possible references (unverified, pending editorial review)
- Candidate: Jami al-Tirmidhi 23 (unverified) 98% confidence
- Candidate: Sunan Abi Dawud 46 (unverified) 95% confidence
Confidence and text similarity are not editorial verification.