Hadith 580

حسن بن علی رضی اللہ عنہما سے روایت ہے کہ انہوں نے اپنے قمیص میں خون دیکھا تو آپ نے خون کی جگہ تھوک کر اس کو مل دیا۔ اور عمر رضی اللہ عنہ اور میمون بن مہران سے بھی اسی طرح روایت کی گئی ہے۔ اور امام بخاری رحمۃ اللہ علیہ نے ”کیا عورت اس کپڑے میں نماز پڑھ سکتی ہے جس میں اس کو حیض آیا ہو“ کے باب میں ام المؤمنین حضرت عائشہ رضی اللہ عنہا سے روایت ہے کہ ام المؤمنین نے فرمایا کہ ہم میں سے کسی کو ایک کپڑے کے سوا دوسرا کپڑا نہ تھا، اس لئے حیض کے ایام میں وہی کپڑا جسم پر رہتا تھا اور جب حیض کا کچھ خون اس میں لگ جاتا تھا تو وہ خون کے دھبہ پر تھوک دیا کرتی تھیں اور اس کو ناخن سے مل لیتی تھیں اور ایک روایت میں (فَمَصَعَتْهُ) کی بجائے (فَقَصَعَتْهُ) ہے جس کے معنی بھی ملنے کے ہیں۔