Hadith 1720

بریدہ رضی اللہ عنہ سے روایت ہے وہ فرماتے ہیں کہ میں نے رسول اللہ صلی اللہ علیہ وآلہ وسلم کو ارشاد فرماتے سنا ہے کہ انسان کے جسم میں (360) جوڑ ہیں ((ان سے ہر کام میں مدد ملتی ہے اور ان سے ہر کام سہولت سے کیا جاتا ہے اگر یہ (360) جوڑ نہ ہوتے تو انسان مثل ایک تختہ کے ہوتا اور کوئی کام نہیں کر سکتا۔ یہ ایسی بڑی نعمت ہے کہ ہر جوڑ کے بدلہ میں شکریہ ادا کرنا چاہئے اس کا شکریہ اس طرح ادا ہوگا کہ) ہر ایک جوڑ کے بدلہ خیرات دی جائے، صحابہ (خیال فرمائے کہ اس سے حضور کا منشاء مالی خیرات کرنا ہے اس لئے) عرض کے: یا نبی اللہ! ہم محتاج ہیں، اس لئے ہر جوڑ کے بدلہ ہم کیسے خیرات دے سکتے ہیں: تو حضور ارشاد فرمائے: (مالی خیرات نہ ہو سکے) اگر تم دیکھو کہ مسجد میں رینٹ یا بلغم پڑا ہوا ہو تو اس کو دور کر کے جگہ پاک کر دو (یہ بھی خیرات ہے) یا راستہ میں (دیکھو کہ) کانٹے یا پتھر پڑے ہوئے ہیں (جس سے آنے جانے والوں کو ایذا ہو رہی ہو تو) اس کو راستہ سے ہٹا کر راستہ صاف کر دینا بھی خیرات ہے (اسی قسم کے تمام کام جن سے لوگوں کو آرام ملے سب خیرات ہیں) اگر کسی سے یہ نہ ہو سکے تو اشراق کے دو رکعت پڑھ لیا کرے، تو یہ دو رکعت ہر جوڑ کی نعمت کے شکریہ میں خیرات کرنے کے قائم مقام ہوں گے۔ (اس کی روایت ابوداؤد نے کی ہے۔)