Hadith 1902

مِخْنَف بن سُلَیْم رضی اللہ عنہ سے روایت ہے وہ فرماتے ہیں کہ ہم (حجۃ الوداع میں) رسول اللہ صلی اللہ علیہ وآلہ وسلم کے ساتھ وقوف عرفہ کر کے عرفات میں ٹھیرے ہوئے تھے میں نے خود حضور صلی اللہ علیہ وآلہ وسلم کو یہ ارشاد فرماتے سنا ہے کہ لوگو! (قربانی سنت نہیں ہے کہ کوئی گھر والا کرے اور کوئی گھر والا نہ کرے بلکہ) قربانی واجب ہے، ہر گھر والا (جو قربانی اور فطرہ کے نصاب کا مالک ہو) اس کو چاہئے کہ وہ اپنی طرف سے ہر سال قربانی کیا کرے (ہاں اس کے چھوٹے بچوں کی طرف سے اور جوان بچوں کی طرف سے اور بیوی کی طرف سے قربانی اس پر واجب نہیں ہے، اگر ان سے اجازت لے کر قربانی کرے تو قربانی ان کے طرف سے بھی ادا، ہوسکتی ہے)۔ (اس حدیث کی روایت ترمذی، ابوداؤد، نسائی اور ابن ماجہ نے کی ہے۔)