Hadith 2656

عبداللہ بن مسعود رضی اللہ عنہ سے روایت ہے وہ فرماتے ہیں کہ ایک دفعہ حضور صلی اللہ علیہ وسلم منبر پر تشریف فرما تھے مجھ سے ارشاد فرمائے کہ: مجھے کچھ قرآن سناؤ۔ میں نے عرض کیا: یا رسول اللہ قرآن تو آپ پر نازل ہوا ہے میں آپ کو قرآن کیسے سناؤں۔ تو حضور فرمائے کہ میں دوسروں سے قرآن سننا زیادہ پسند کرتا ہوں تو میں نے تعمیل ارشاد میں سورہ نساء پڑھنا شروع کیا اور جب اس آیت پر پہنچا (سورہ نساء، آیت نمبر:41) ”فَكَيْفَ اِذَا جِئْنَا مِنْ كُلِّ اُمَّةٍ بِشَهِيْدٍ وَّجِئْنَا بِكَ عَلٰى هٰٓؤُلَآءِ شَهِيْدًا“ تو بھلا ان لوگوں کا کیا حال ہوگا جبکہ قیامت کے دن ہم سب لوگوں کو میدان حشر میں جمع کریں گے۔ اور ہر امت پر ایک گواہ لائیں گے اور اے نبی آپ کو ان سب پر گواہ قرار دیں گے۔ تو حضور صلی اللہ علیہ وسلم نے فرمایا: بس کرو۔ جب میں نے حضور کی طرف دیکھا تو کیا دیکھتا ہوں کہ آپ کی دونوں آنکھوں سے آنسو جاری ہیں۔ (یہ رقت قیامت کے شدت کے تصور اور حضور کی کمال رحمت اور شفقت کا نتیجہ تھی) اس حدیث کی روایت بخاری اور مسلم نے متفقہ طور پر کی ہے۔