Hadith 2816

ابن عباس رضی اللہ عنہما سے روایت ہے: اللہ تعالیٰ کے یہ ارشاد (سورۃ نجم، آیت نمبر:32) ”الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ“ (وہ لوگ جو کبیرہ گناہوں سے اور بے حیائی کی باتوں سے بچتے رہتے ہیں مگر یہ کہ ان سے چھوٹے چھوٹے گناہ جو کبھی کبھار ہو جاتے ہیں کی تفسیر میں رسول اللہ صلی اللہ علیہ وآلہ وسلم نے (امیّہ ابن ابی الصلت کا یہ شعر بطور مثال کے پڑھا) اے اللہ اگر آپ بخشنا چاہیں تو بڑے بڑے گناہوں کو بخش دیں اور آپ کا وہ کونسا بندہ ہے جس نے چھوٹے گناہ بھی نہ کئے ہوں اس کی روایت ترمذی نے کی ہے۔